فوتو: elements.envato.com
قازاقستاندا اتا-اناسى نەمەسە زاڭدى ٶكٸلٸنٸڭ رۇقساتىنسىز TikTok, Instagram, Facebook, WhatsApp, "ۆكونتاكتە" پلاتفورمالارىندا كەمەلەتكە تولماعانداردى تٸركەۋدٸ شەكتەۋ شارالارىن قابىلداۋ جوسپارلانىپ وتىر. ٷكٸمەت قاۋلىسىنىڭ جوباسى "اشىق نقا" سايتىندا پايدا بولدى, - دەپ حابارلايدى Tengrinews.kz سايتى.
قازاقستان ٷكٸمەتٸ بالالاردى زورلىق-زومبىلىقتان قورعاۋ جەنە ولاردىڭ قۇقىقتارى مەن ەل-اۋقاتىن قامتاماسىز ەتۋ جٶنٸندەگٸ 2023-2025 جىلدارعا ارنالعان "بالا قورعاۋ" كەشەندٸ جوسپارىن بەكٸتۋ تۋرالى شەشٸم قابىلدادى.
جوسپار ماقساتى – بالالاردىڭ قاۋٸپسٸزدٸگٸن قامتاماسىز ەتۋ جٷيەسٸن قۇرۋ, بالالارعا ۋاقتىلى بٸلٸكتٸ كٶمەك كٶرسەتۋ, سونداي-اق بالالارعا قاتىستى زورلىق-زومبىلىقتىڭ الدىن الۋعا باعىتتالعان 2023-2025 جىلدارعا ارنالعان قوسىمشا شارالار كەشەنٸن قابىلداۋ.
جوبا قابىلدانسا, Instagram, Facebook, WhatsApp, "ۆكونتاكتە" پلاتفورمالارىندا كەمەلەتكە تولماعانداردى زاڭدى ٶكٸلٸنٸڭ رۇقساتىنسىز تٸركەۋگە شەكتەۋ شارالارىن ەنگٸزۋ 2025 جىلدىڭ بٸرٸنشٸ توقسانىنا جوسپارلانعان. بۇعان تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ, اقپارات جەنە قوعامدىق دامۋ مينيسترلٸگٸ, سونداي-اق بٸلٸم مينيسترلٸگٸ جاۋاپتى بولادى.
جالپى, كەشەندٸ جوسپار 4 بٶلٸمنەن تۇرادى.
- "بالالاردىڭ زورلىق-زومبىلىقتان قورعاۋ قۇقىعىن جٷزەگە اسىرۋ".
- "بٸلٸم الۋشىلاردىڭ پەداگوگيكالىق قولداۋ قۇقىعىن ٸسكە اسىرۋ, بالالاردىڭ سۋيتسيدتٸك جەنە اۋتواگرەسسيۆتٸ مٸنەز-قۇلقىنىڭ الدىن الۋ جەنە تٷزەتۋ".
- "قازاقستاندىق بالالاردىڭ ەل-اۋقاتى دەڭگەيٸن ارتتىرۋ, بالالاردىڭ قۇقىقتارىن قورعاۋ سالاسىنداعى مەملەكەت پەن قوعامنىڭ ٶزارا ٸس-قيمىلى".
- "اقپاراتتىق سٷيەمەلدەۋ".
قۇجات 6 ماۋسىمعا دەيٸن كٶپشٸلٸكتٸڭ تالقىلاۋى ٷشٸن جارييالانعان.
