Foto: Zakon.kz/Maksim Zolotýhin
Árbir otbasyǵa jańa ómirdiń kelýi – úlken qýanysh. Memleket tarapynan azamattardy qoldaý maqsatynda bala týýǵa bailanysty birqatar áleýmettik járdemaqylar taǵaiyndalady. Bul týraly «Azamattarǵa arnalǵan úkimet» memlekettik korporatsiiasynyń Almaty qalasy filialy tolyǵyraq aityp ótti.
Bala týýǵa bailanysty járdemaqylar – memleket kórsetetin mańyzdy áleýmettik qoldaý sharalarynyń biri. Járdemaqylar eki túrge bólinedi: birjolǵy memlekettik járdemaqy jáne ai saiynǵy tólenetin áleýmettik tólemder.
Birjolǵy memlekettik járdemaqy barlyq ata-analarǵa nemese qamqorshylarǵa beriledi: Birinshi, ekinshi nemese úshinshi bala týǵan jaǵdaida – 38 AEK, al tórtinshi jáne odan kóp bala týǵan jaǵdaida – 63 AEK.
Ai saiynǵy áleýmettik tólemder – bul jumys istemeitin ata-anaǵa respýblikalyq biýdjetten tólenetin járdemaqy: birinshi balaǵa – 5,76 AEK, ekinshi balaǵa – 6,81 AEK, úshinshi balaǵa – 7,85 AEK, tórtinshi jáne odan kóp balaǵa – 8,90 AEK.
Jumys isteitin jáne mindetti áleýmettik saqtandyrý júiesine qatysýshy ata-analarǵa bala kútimine bailanysty áleýmettik tólem taǵaiyndalady. Onyń mólsheri sońǵy eki jyldaǵy ortasha ailyq tabystyń 40 paiyzyna teń. Tólem bala 1,5 jasqa tolǵanǵa deiin júrgiziledi.
Atalmysh járdemaqylardy alý úshin halyqqa qyzmet kórsetý ortalyǵyna jeke kýálik, balanyń týý týraly kýáligi jáne banktik shot nómirin usyný qajet. Sondai-aq, qyzmetti elektrondyq úkimet portaly arqyly rásimdeýge bolady. Qazirgi tańda proaktivti qyzmet túri de qoljetimdi, ol úshin ata-analarǵa SMS habarlama arqyly usynys túsedi.
Sonymen qatar, kópbalaly analarǵa, «Altyn alqa» jáne «Kúmis alqa» iegerlerine de arnaiy memlekettik járdemaqylar qarastyrylǵan.
