Qazaqstanda bala týý jasy endi zańmen bekitiledi. 15 pen 49 jas aralyǵyndaǵy qyz-kelinshekter "reprodýktivti jasta" bolyp sanalady. Bul uǵym halyq densaýlyǵy jáne densaýlyq saqtaý júiesi kodesine engiziledi, dep habarlaidy "Ult aqparat" 31-arnanyń "Informbiýro" baǵdarlamasyna silteme jasap.
Densaýlyq saqtaý ministrliginiń málimetinshe, 42 jastan keiin qyz-kelinshekterdiń bosanýy qiyndaidy. Muny klinikalyq tájiribe kórsetken. Jyl saiyn reprodýktivti klinikaǵa 49 jastan asqan 25-30 áiel júginedi eken. Bul áielder 10-12 jyl buryn qatyryp qoiǵan jumyrtqa kletkasyn qoldanady nemese ekstrakorporaldy uryqtandyrý jasaidy. Ótken jyly EKO-nyń qyzmetine 28 áiel júginip, onyń jartysy bosanypty.
