QR Aýyl sharýashylyǵy ministrligi negizgi azyq-túlik taýarlarynyń 32 túri boiynsha óńirlerdiń qamtamasyz etilýine apta saiyn monitoring júrgizýdi jalǵastyrady, dep habarlaidy "Ult aqparat".
Bul monitoring turaqtandyrý qorlaryndaǵy, iri saýda jelilerindegi, jetkizýshiler men qaita óńdeý kásiporyndarynyń qoimalaryndaǵy qorlardy eskeredi.
Óńirlerdiń jedel derekterine sáikes, qazirgi ýaqytta respýblika boiynsha 795 myń tonna kóleminde túrli azyq-túlik taýarlarynyń qory bar. Onyń ishinde óndirýshi kásiporyndarda 298 myń tonna, qoimalarda – 93,2 myń tonna, saýda jelilerinde – 353,2 myń tonna, turaqtandyrý qorlarynda – 19,8 myń tonna. Sonymen qatar, 325 mln jumyrtqa men 3,5 mln tonna azyq-túlik bidaiy bar.
«Osyǵan orai, tez buzylatyn ónimderdiń qory bir apta nemese odan da kóp ýaqytqa, al uzaq merzimdi saqtaý ónimderiniń birneshe aiǵa jetkilikti qory jinaqtalǵan. Aita keter jáit, azyq-túlik óndirisi artyp keledi jáne qorlar únemi jańartylyp, tolyqtyrylyp otyrady. Sondyqtan olar boiynsha tapshylyq joq», - delingen ministrliktiń baspasóz qyzmeti taratqan aqparatta.
