Áskeri esepke alýdyń alǵashqy rásimin jergilikti áskeri basqarý organdary júrgizedi. Aldyn ala áskerge shaqyrý ýchaskelerine 17 jastaǵy 100 myńnan astam jasóspirim tirkeledi, dep habarlaidy QR QM baspasóz qyzmeti.
Áskerge shaqyrý pýnkterine kelýge 2005 jyly týǵan jasóspirimder shaqyrý qaǵazyn alady. Olar barlyq qajetti qujattarmen jergilikti áskeri basqarý organdaryna kelýge mindetti.
Jergilikti atqarýshy organdardyń sheshimimen azamattardy tirkeý jáne meditsinalyq kýálandyrý jónindegi komissiialar quryldy.
Tirkeý barysynda bolashaq áskerge shaqyrylýshylardyń sany, áskeri qyzmetke jaramdylyq sanaty, dene daiarlyǵynyń deńgeii aiqyndalady.
Densaýlyq jaǵdaiy erekshe baqylaýǵa alynady. Árbir jas azamat mindetti meditsinalyq tekserýden ótedi. Jasóspirimderde qandai da bir syrqat anyqtalǵan jaǵdaida, olar tiisti emdelý úshin densaýlyq saqtaý uiymdaryna tirkeledi.
Barlyq rásimderden ótkennen keiin áskerge shaqyrý jasyna deiingilerge áskeri esepke qoiý týraly tirkeý kýálik beriledi.
– Tirkeý kýáligi – áskeri bilet siiaqty mańyzdy qujat. Bul jas adam qyzmetke shaqyrylǵanǵa nemese zapasqa shyǵarylǵanǵa deiin jaramdy. Áskeri esepten shyǵarylǵannan keiin jáne áskeri biletti alǵannan keiin tirkeý kýáligi alynyp, ony jergilikti áskeri basqarý organyna joiýǵa beriledi, – dep túsindirdi Uiymdastyrý-jumyldyrý jumystary departamenti bastyǵynyń orynbasary polkovnik Azamat Dosymov.
Sonymen qatar, jergilikti áskeri basqarý organdary jasóspirimderge áskeri qyzmettiń artyqshylyqtary men perspektivalary, Qazaqstan Qorǵanys ministrliginiń jáne alys-jaqyn shetelderdiń áskeri oqý oryndaryna túsý erejeleri jóninde aqparat beriledi.
Esterińizge sala ketsek, respýblikada áskerge shaqyrý ýchaskelerine tirkeý jyl saiyn qańtar men naýryz aralyǵynda júrgiziletin mindetti rásim bolyp tabylady.
