Tsifrlyq damý, innovatsiia jáne aeroǵarysh ónerkásibi ministri Baǵdat Mýsin avtokólikke aqshaǵa satyp alýǵa bolatyn ádemi nómirler tizimin keńeitýdi usyndy, - dep habarlaidy Tengrinews.kz.
"Ishki ister ministrligimen birge suranysty kóbeitý máselesin pysyqtadyq, ony zańnamalyq túrde bekitý qajet. Osyǵan bailanysty qoldaý suraǵym keledi. Belgili bir nómirler bar, mysaly, 777. Ony biýdjetke aqysyn tóleý arqyly satyp alýǵa bolady. Sondai-aq, áli rettelmegen memlekettik nómirler bar, olardyń tizimin zańmen bekitkimiz keledi, osylaisha, olardy da satý múmkin bolady", - dedi Mýsin Májilistegi Úkimet saǵatynda.
Ol Májilis depýtattarynan ministrlikter bastamasyn qoldaýdy surady.
Sondai-aq, Mýsin avtokólikke qatysty máselelerde memlekettik qyzmetterdi kórsetýdiń biryńǵai núktesi retindegi elektron Úkimet jetistigi týraly aitty.
"Tanymal platformalar arqyly qyzmet kórsetý boiynsha jumystar júrgizilip jatyr. Mysaly, kólikterdi qosymshalar arqyly tirkeý protsesti aitarlyqtai ońtailandyrýǵa jáne avtomattandyrýǵa, sonymen qatar turǵyndardyń ýaqyty men shyǵyndaryn únemdeýge septigin tigizdi. Qyzmet alý úshin nysanǵa barýdyń qajeti joq. Bul tásilder karantin sharalardy eskersek, mańyzdy sanaldy", - dedi ministr.
Ol qańtarda kólik quraldaryn tirkeý jáne qaita tirkeý boiynsha 4 myń tranzaktsiia bolǵanyn, onyń 5 paiyzy ǵana onlain rejimde jasalǵanyn túsindirdi. Qyrkúiektiń ózinde qazaqstandyqtar kólikterdi tirkeý jáne qaita tirkeý boiynsha 167 myń tranzaktsiia jasaǵan, onyń ishinde onlain tirkeý úlesi 36 paiyzǵa deiin ósken.
"Biz qyzmetterdi Kaspi.kz, Homebank.kz jáne t.b. siiaqty tanymal platformalarǵa kóshirý óz áserin tigizetinin kórsettik. Eń tanymal qyzmetterge nazar aýdardyq", - dep qosty ol.
Aita keteiik, qazaqstandyqtar kólikterge arnalǵan ádemi nómirlerge kóp aqsha jumsai bastaǵany habarlanǵan bolatyn. 2021 jyly 9 ai ishinde 4,4 milliard teńgege VIP nómirler satylǵan. Bul aqparatty "Azamattarǵa arnalǵan úkimet" memlekettik korporatsiiasy málim etken edi.
