Aýyl sharýashylyǵy jerlerin tsifrlandyrý jedeldetiledi. Bul týraly Senatta Aýyl sharýashylyǵy vitse-ministri Baǵlan Bekbaýov málim etti, dep habarlaidy QazAqparat.
«Memleket basshysynyń jerdi aýyl sharýashylyǵyna tartý jónindegi tapsyrmasyna sáikes, jerdi qashyqtan zondtaý arqyly aýyl sharýashylyǵy jerlerin paidalaný boiynsha memlekettik baqylaýdy júzege asyrýǵa múmkindik beretin ǵarysh monitoringi júiesiniń qanatqaqty jobasy ótti. Osy jobanyń aiasynda qazir pilotty óńirlerdiń ǵarysh monitoringi qorytyndysy boiynsha 8,3 mln gektarǵa tarta paidalanylmaityn jer anyqtalyp, onyń ishinde 2,6 mln gektar jaiylym jeri kelisken túrde memleket menshigine qaitaryldy. Bul baǵyttaǵy jumystar ary qarai jalǵastyrylyp jatyr», - dedi Bekbaýov Senattaǵy tsifrlandyrý tehnologiialaryn aýyl sharýashylyǵyna endirý taqyrybyndaǵy dóńgelek ústel otyrysynda.
Onyń aitýynsha, qazirgi kezde tsifrlandyrýǵa arnalǵan ári talap etiletin aýyl sharýashylyǵy jerleriniń 39 paiyzy tsifrlandyrylǵan.
«Qazirgi tehnologiialardy qoldana otyryp, qalǵan 61 paiyz jer bóligin biz 5 jylda tsifrlandyryp, meńgerimiz dep josparlaǵan edik. «Qazaqstan Ǵarysh sapary» ulttyq kompaniiasymen birlesken jumystyń nátijesinde, bul jumysty eki jylda aiaqtamaqpyz. Iaǵni besten eki jylǵa qysqartamyz», - dedi vitse-ministr.
