2 sáýir – aýtistikalyq spektr aýytqýlary bar balalardy qoldaý kúni. Osyǵan orai Qazaqstanda aýtizm diagnozy bar balalarǵa alǵash ret kinoteatrda film kórsetildi, dep habarlaidy Vaq.kz tilshisi.
Bul filmniń ereksheligi – ekrannyń jaryǵy men dybysyn basyp kórsetý. Sonymen qatar, aýtizmi bar balalar tez sharshaityndyqtan olarǵa arnaiy demalys bólmesi ázirlendi. Filmniń kórsetilimi jaiynda «Bolashaq» korporativtik qorynyń baspasóz hatshysy Áigerim Arǵymbaeva aityp berdi.
«Disnei Lend kompaniiasy aýtizmi bar balalardy qoldaý úshin dúniejúzi boiynsha óz filmderin balalarǵa kórýge yńǵaily qylyp arnaiy erekshelikter qosty. Mysaly, basqa balalar kórip júrgen «Kokonyń qupiiasy» mýltfilminiń ekrandaǵy jaryǵyn qarańǵylatyp, dybysyn basty. Ótken jyly Máskeýdegi aýtizmi bar balalarǵa kórsetildi. Biyl bizdiń elimizde alǵash ret osyndai erekshi naýqan ótip jatyr», - dedi ol.
Áigerim Arǵymbaevanyń aitýynsha, balalar úshin filmdi kórsetý barysynda ózgeris engizý qiyn bolmaǵan.
«Kerýen» saýda ortalyǵynda ornalasqan Kinopark kompaniiasynyń mamandaryna nusqaýlyq júrgizdik. Iaǵni, aýtizmi bar balalar kino kórgen kezde qandai qiyndyqtar bolady, qandai kómek kórsetý kerektigin túsindirdik. Aitarlyqtai problema bolmady. Olar balalar úshin bárine daiyn ekenin kórsetti. Sondyqtan elimizde alǵash ret ótip jatqan film kórsetilimin qoldaǵandarǵa alǵys bildiremiz», - dedi ol.
Qazirgi tańda Astananyń úsh mektebinde - №40, 71, 83 mektebinde inkliýzivti bilim berý qolǵa alynyp, qaladaǵy 120-dan astam bala ózge balalarmen birdei bilim alyp jatyr.
Aita keteiik, keshe Astanada aýtizm máselesin aqparattyq taratýǵa arnalǵan arnaiy naýqan ótken bolatyn.
.jpeg)