15 mamyrda ata-analardyń jalpyulttyq jinalysy ótedi, dep habarlaidy "Ult aqparat" BǴM baspasóz qyzmetine silteme jasap.
Ministrlik ata-analardy jalpyulttyq jinalysqa qatysýǵa shaqyrdy.
«QR Bilim jáne ǵylym ministri Kúlásh Shámshidinova ata-analar balalary oqityn mektepke baryp úlgerýi úshin jumys berýshilerden osy kúni qyzmetkerlerdi jumystan erte bosatýdy suraidy», delingen habarlamada.
Aita keterligi, 15 mamyr - Halyqaralyq otbasy kúni.
Baspasóz qyzmetiniń habarlaýynsha, ata-analardyń jalpyulttyq jinalysy úiinde oqýshylar bar jáne qazirgi mektepterdi oilaityn árbir qazaqstandyq otbasyǵa qyzyqty bolý kerek.
Jalpyulttyq jinalys kúni ata-analar mektepke kelip, mektep basshylarymen, synyp jetekshilerimen jáne muǵalimderimen kezdesip, mazalap júrgen saýaldarǵa mardymdy jaýap alý múmkindigine ie bolady.
