Qorǵanys ministrligine qarasty áskeri qyzmetkerler men personaldyń 98 paiyzy vaktsina alǵan, dep habarlaidy QazAqparat.
Qorǵanys ministriniń orynbasary Timýr Dándibaev ortalyq kommýnikatsiialar qyzmetinde osyndai málimet aitty.
«Búginde Qarýly Kúshter jeke quramynyń 89 paiyzdan astamy vaktsinanyń eki komponentin de aldy. Jalpy áskeriler men azamattyq personal ókilderiniń 98 paiyzy ekpe alǵan. Iaǵni, tek meditsinalyq qarsy kórsetilimderi bar adamdar ǵana ekpe alǵan joq. Shuǵyl qyzmettiń áskerileri 100 paiyz vaktsina qabyldady. Onyń 93 paiyzy eki komponentti de alyp úlgerdi», - dedi ministrlik ókili.
Sondai-aq, ol jeke quram arasynda vaktsinatsiia belsendi uiymdastyrylǵandyqtan ujymdyq immýnitet qalyptasyp, sonyń arqasynda kóptegen shekteýler kúshin joiǵanyn aitty.
«Buǵan deiin de aitqanymyzdai, qatarymyzda ujymdyq immýnitet qalyptasqan. Bul kóptegen shekteýdi alyp tastaýǵa múmkindik berip otyr. Sonyń arqasynda josparlanǵan áskeri daiyndyqtardy júrgizip, sharalardy tolyq kólemde atqarý múmkin bolyp otyr», - dedi ministrdiń orynbasary.
