قورعانىس مينيسترلٸگٸنە قاراستى ەسكەري قىزمەتكەرلەر مەن پەرسونالدىڭ 98 پايىزى ۆاكتسينا العان, دەپ حابارلايدى قازاقپارات.
قورعانىس مينيسترٸنٸڭ ورىنباسارى تيمۋر دەندٸباەۆ ورتالىق كوممۋنيكاتسييالار قىزمەتٸندە وسىنداي مەلٸمەت ايتتى.
«بٷگٸندە قارۋلى كٷشتەر جەكە قۇرامىنىڭ 89 پايىزدان استامى ۆاكتسينانىڭ ەكٸ كومپونەنتٸن دە الدى. جالپى ەسكەريلەر مەن ازاماتتىق پەرسونال ٶكٸلدەرٸنٸڭ 98 پايىزى ەكپە العان. ياعني, تەك مەديتسينالىق قارسى كٶرسەتٸلٸمدەرٸ بار ادامدار عانا ەكپە العان جوق. شۇعىل قىزمەتتٸڭ ەسكەريلەرٸ 100 پايىز ۆاكتسينا قابىلدادى. ونىڭ 93 پايىزى ەكٸ كومپونەنتتٸ دە الىپ ٷلگەردٸ», - دەدٸ مينيسترلٸك ٶكٸلٸ.
سونداي-اق, ول جەكە قۇرام اراسىندا ۆاكتسيناتسييا بەلسەندٸ ۇيىمداستىرىلعاندىقتان ۇجىمدىق يممۋنيتەت قالىپتاسىپ, سونىڭ ارقاسىندا كٶپتەگەن شەكتەۋلەر كٷشٸن جويعانىن ايتتى.
«بۇعان دەيٸن دە ايتقانىمىزداي, قاتارىمىزدا ۇجىمدىق يممۋنيتەت قالىپتاسقان. بۇل كٶپتەگەن شەكتەۋدٸ الىپ تاستاۋعا مٷمكٸندٸك بەرٸپ وتىر. سونىڭ ارقاسىندا جوسپارلانعان ەسكەري دايىندىقتاردى جٷرگٸزٸپ, شارالاردى تولىق كٶلەمدە اتقارۋ مٷمكٸن بولىپ وتىر», - دەدٸ مينيستردٸڭ ورىنباسارى.
