Qazaqstanda alǵash ret áskeri teatr ashyldy, dep habarlaidy "Ult aqparat" Ulttyq ulanynyń baspasóz qyzmetine silteme jasap.
Qazaqstan Respýblikasy Táýelsizdiginiń 30 jyldyq mereitoiy jáne Qazaqstan politsiiasy kúnine orai, Q. Qýanyshbaev atyndaǵy memlekettik akademiialyq qazaq mýzykalyq drama teatrynda Ulttyq ulan Án-bi ansambliniń «Jeńis jalaýy» spektakliniń tusaýkeseri ótti.
Atalǵan týyndy Uly Otan soǵysynyń qaharman batyry, Reihstagqa Jeńis alǵash týyn tikken Raqymjan Qoshqarbaevtyń erligine negizdelgen. Sonymen birge sahnada tuńǵysh ret elimizdiń kúsh qurylymdary arasynda Ulttyq ulan Án-bi ansambli teatrlyq tobynyń ártisteri óner kórsetkenin erekshe atap ótken jón.
Spektakl tusaýkeserine Mádeniet jáne sport ministri Aqtoty Raiymqulova, Ishki ister ministriniń basshylyq quramy, Ulttyq ulan Bas qolbasshysy Rýslan Jaqsylyqov, Parlament depýtattary men ardager generaldar, óner jáne mádeniet qairatkerleri, áskeriler, sondai-aq buqaralyq aqparat quraldarynyń ókilderi qatysty.
Óz sózinde Mádeniet jáne sport ministri Aqtoty Raiymqulova óner ujymyn áskeri teatrdyń ashylýy jáne qoiylymnyń tusaýkeserimen quttyqtady.
Ulttyq ulan Bas qolbasshysy general-leitenant Rýslan Jaqsylyqov aitqandai, qoiylymdy qoiýdaǵy maqsat – el halqy men óskeleń urpaqqa Raqymjan bastaǵan qazaq jastarynyń Uly jeńisti jaqyndatýǵa qosqan úlesin, olardyń maidan dalasyndaǵy erligin áspetteý bolyp tabylatynyn jetkizdi. Sonymen qatar Rýslan Fatihuly ansambl quramyndaǵy teatr toby Ishki ister ministriniń qoldaýymen ashylǵanyn, ony qurý barysynda reseilik ásker teatrynyń tájiribesi zerttelgenin aitty. Áskeri teatrdy ashýdaǵy maqsat – pogon taqqan ártisterdiń óneri arqyly óskeleń urpaqty patriotizmge baýlý, sondai-aq áskeri qyzmetti nasihattaý bolyp tabylady.
Spektakldiń mazmunyna qysqasha toqtalatyn bolsaq. Elimizdiń birtýar batyry Baýyrjan Momyshuly jazýshy-jýrnalist Kákimjan Qazbaevty ózine shaqyryp, Reihgstagqa alǵash Tý tikken qazaq Raqymjan Qoshqarbaev týraly zertteý jasaýdy buiyrady. Jeńis jalaýyn qadaǵan jas jigittiń erligin zerttegen jazýshy onyń ómirimen egjei-tegjeili tanysady. Sol sátten bastap sahnada jas Raqymjannyń soǵysqa deiingi ómiri kórermenderdiń nazaryna usynyldy. Bolashaq qaharmannyń armany, mahabbaty, jigeri men ór rýhy qamtyldy. Uiymdastyrýshylar bas qaharman arqyly Otanǵa degen riiasyz súiispenshiligin sátti kórsete aldy. Eń bastysy, Reihstagqa Tý tikken erligi baiandaldy. Qoiylym barysynda urpaqtar sabaqtasytyǵy men patriotizm rýhyn sińirgen áskeri jáne soǵys jyldaryndaǵy ánder aityldy. Bul qoiylymǵa erekshe reń syilaidy. Er Báýkeń – Baýyrjan Momyshuly tarihi shyndyq úshin kúreskeni, Rahymjan Qoshqarbaevqa «Keńes Odaǵynyń batyry» ataǵyn berý týraly talaby kórsetiledi.
Qoiylym sońynda Elbasy N. Nazarbaevtyń Jarlyǵymen Raqymjan Qoshqarbaevqa 1999 jyly «Halyq Qaharmany» ataǵy berilgeni aityldy.
Bul tarihi shyndyqqa umtylǵan halyqtyń Raqymjandai batyry arqyly tebirenisin jáne Elbasy men egemendiktiń atalǵan shyndyqqa jetýdegi rólin kórsetkenin atap ótken jón.
Aityp ótý kerek, spektakl Ulttyq ulan Án-bi ansambliniń teatrlandyrylǵan tuńǵysh qoiylymy boldy. Áskeri drama janryndaǵy qoiylymnyń avtory Qanat Júnisov, qoiýshy rejisseri Dáýren Serǵazin, qoiýshy sýretshisi Erlan Tuiaqov, Án-bi ansambliniń kórkemdik jetekshisi maior Darhan Rahymǵaliev.
Ulttyq ulan Án-bi ansambli búgingi tańda memleketimizdiń ortalyq zaldarynda Gala-kontsert beretin biregei áskeri-mýzykalyq ujym. Ansambl mýzykanttary men solisteriniń oryndaýyndaǵy áskeri-patriottyq ánder elimizdegi barlyq patriottyq sharalardyń kelbetine ainaldy. Áskeri taqyrypqa bailanysty birde-bir kontsert ulandyq ónerpazdardyń qatysýynsyz ótpeidi.
Ansambl repertýary ár alýan, onda áskeri ánder, halyq mýzykasy, estrada jáne jastar stili, álem halyqtarynyń ánderi men bileri bar.
Ansambl quramynda erler hory, vokalshylar jáne bishiler toby, big-bend, folklorlyq top jáne kontserttik orkestr bar. Biyldan bastap olardyń qataryna áskeri teatr toby qosylyp otyr.
