قازاقستاندا العاش رەت ەسكەري تەاتر اشىلدى, دەپ حابارلايدى "ۇلت اقپارات" ۇلتتىق ۇلانىنىڭ باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسى تەۋەلسٸزدٸگٸنٸڭ 30 جىلدىق مەرەيتويى جەنە قازاقستان پوليتسيياسى كٷنٸنە وراي, ق. قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترىندا ۇلتتىق ۇلان ەن-بي انسامبلٸنٸڭ «جەڭٸس جالاۋى» سپەكتاكلٸنٸڭ تۇساۋكەسەرٸ ٶتتٸ.
اتالعان تۋىندى ۇلى وتان سوعىسىنىڭ قاھارمان باتىرى, رەيحستاگقا جەڭٸس العاش تۋىن تٸككەن راقىمجان قوشقارباەۆتىڭ ەرلٸگٸنە نەگٸزدەلگەن. سونىمەن بٸرگە ساحنادا تۇڭعىش رەت ەلٸمٸزدٸڭ كٷش قۇرىلىمدارى اراسىندا ۇلتتىق ۇلان ەن-بي انسامبلٸ تەاترلىق توبىنىڭ ەرتٸستەرٸ ٶنەر كٶرسەتكەنٸن ەرەكشە اتاپ ٶتكەن جٶن.
سپەكتاكل تۇساۋكەسەرٸنە مەدەنيەت جەنە سپورت مينيسترٸ اقتوتى رايىمقۇلوۆا, ٸشكٸ ٸستەر مينيسترٸنٸڭ باسشىلىق قۇرامى, ۇلتتىق ۇلان باس قولباسشىسى رۋسلان جاقسىلىقوۆ, پارلامەنت دەپۋتاتتارى مەن ارداگەر گەنەرالدار, ٶنەر جەنە مەدەنيەت قايراتكەرلەرٸ, ەسكەريلەر, سونداي-اق بۇقارالىق اقپارات قۇرالدارىنىڭ ٶكٸلدەرٸ قاتىستى.
ٶز سٶزٸندە مەدەنيەت جەنە سپورت مينيسترٸ اقتوتى رايىمقۇلوۆا ٶنەر ۇجىمىن ەسكەري تەاتردىڭ اشىلۋى جەنە قويىلىمنىڭ تۇساۋكەسەرٸمەن قۇتتىقتادى.
ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆ ايتقانداي, قويىلىمدى قويۋداعى ماقسات – ەل حالقى مەن ٶسكەلەڭ ۇرپاققا راقىمجان باستاعان قازاق جاستارىنىڭ ۇلى جەڭٸستٸ جاقىنداتۋعا قوسقان ٷلەسٸن, ولاردىڭ مايدان دالاسىنداعى ەرلٸگٸن ەسپەتتەۋ بولىپ تابىلاتىنىن جەتكٸزدٸ. سونىمەن قاتار رۋسلان فاتيحۇلى انسامبل قۇرامىنداعى تەاتر توبى ٸشكٸ ٸستەر مينيسترٸنٸڭ قولداۋىمەن اشىلعانىن, ونى قۇرۋ بارىسىندا رەسەيلٸك ەسكەر تەاترىنىڭ تەجٸريبەسٸ زەرتتەلگەنٸن ايتتى. ەسكەري تەاتردى اشۋداعى ماقسات – پوگون تاققان ەرتٸستەردٸڭ ٶنەرٸ ارقىلى ٶسكەلەڭ ۇرپاقتى پاتريوتيزمگە باۋلۋ, سونداي-اق ەسكەري قىزمەتتٸ ناسيحاتتاۋ بولىپ تابىلادى.
سپەكتاكلدٸڭ مازمۇنىنا قىسقاشا توقتالاتىن بولساق. ەلٸمٸزدٸڭ بٸرتۋار باتىرى باۋىرجان مومىشۇلى جازۋشى-جۋرناليست كەكٸمجان قازباەۆتى ٶزٸنە شاقىرىپ, رەيحگستاگقا العاش تۋ تٸككەن قازاق راقىمجان قوشقارباەۆ تۋرالى زەرتتەۋ جاساۋدى بۇيىرادى. جەڭٸس جالاۋىن قاداعان جاس جٸگٸتتٸڭ ەرلٸگٸن زەرتتەگەن جازۋشى ونىڭ ٶمٸرٸمەن ەگجەي-تەگجەيلٸ تانىسادى. سول سەتتەن باستاپ ساحنادا جاس راقىمجاننىڭ سوعىسقا دەيٸنگٸ ٶمٸرٸ كٶرەرمەندەردٸڭ نازارىنا ۇسىنىلدى. بولاشاق قاھارماننىڭ ارمانى, ماحابباتى, جٸگەرٸ مەن ٶر رۋحى قامتىلدى. ۇيىمداستىرۋشىلار باس قاھارمان ارقىلى وتانعا دەگەن ريياسىز سٷيٸسپەنشٸلٸگٸن سەتتٸ كٶرسەتە الدى. ەڭ باستىسى, رەيحستاگقا تۋ تٸككەن ەرلٸگٸ باياندالدى. قويىلىم بارىسىندا ۇرپاقتار ساباقتاسىتىعى مەن پاتريوتيزم رۋحىن سٸڭٸرگەن ەسكەري جەنە سوعىس جىلدارىنداعى ەندەر ايتىلدى. بۇل قويىلىمعا ەرەكشە رەڭ سىيلايدى. ەر بەۋكەڭ – باۋىرجان مومىشۇلى تاريحي شىندىق ٷشٸن كٷرەسكەنٸ, راحىمجان قوشقارباەۆقا «كەڭەس وداعىنىڭ باتىرى» اتاعىن بەرۋ تۋرالى تالابى كٶرسەتٸلەدٸ.
قويىلىم سوڭىندا ەلباسى ن. نازارباەۆتىڭ جارلىعىمەن راقىمجان قوشقارباەۆقا 1999 جىلى «حالىق قاھارمانى» اتاعى بەرٸلگەنٸ ايتىلدى.
بۇل تاريحي شىندىققا ۇمتىلعان حالىقتىڭ راقىمجانداي باتىرى ارقىلى تەبٸرەنٸسٸن جەنە ەلباسى مەن ەگەمەندٸكتٸڭ اتالعان شىندىققا جەتۋدەگٸ رٶلٸن كٶرسەتكەنٸن اتاپ ٶتكەن جٶن.
ايتىپ ٶتۋ كەرەك, سپەكتاكل ۇلتتىق ۇلان ەن-بي انسامبلٸنٸڭ تەاترلاندىرىلعان تۇڭعىش قويىلىمى بولدى. ەسكەري دراما جانرىنداعى قويىلىمنىڭ اۆتورى قانات جٷنٸسوۆ, قويۋشى رەجيسسەرٸ دەۋرەن سەرعازين, قويۋشى سۋرەتشٸسٸ ەرلان تۇياقوۆ, ەن-بي انسامبلٸنٸڭ كٶركەمدٸك جەتەكشٸسٸ مايور دارحان راحىمعاليەۆ.
ۇلتتىق ۇلان ەن-بي انسامبلٸ بٷگٸنگٸ تاڭدا مەملەكەتٸمٸزدٸڭ ورتالىق زالدارىندا گالا-كونتسەرت بەرەتٸن بٸرەگەي ەسكەري-مۋزىكالىق ۇجىم. انسامبل مۋزىكانتتارى مەن سوليستەرٸنٸڭ ورىنداۋىنداعى ەسكەري-پاتريوتتىق ەندەر ەلٸمٸزدەگٸ بارلىق پاتريوتتىق شارالاردىڭ كەلبەتٸنە اينالدى. ەسكەري تاقىرىپقا بايلانىستى بٸردە-بٸر كونتسەرت ۇلاندىق ٶنەرپازداردىڭ قاتىسۋىنسىز ٶتپەيدٸ.
انسامبل رەپەرتۋارى ەر الۋان, وندا ەسكەري ەندەر, حالىق مۋزىكاسى, ەسترادا جەنە جاستار ستيلٸ, ەلەم حالىقتارىنىڭ ەندەرٸ مەن بيلەرٸ بار.
انسامبل قۇرامىندا ەرلەر حورى, ۆوكالشىلار جەنە بيشٸلەر توبى, بيگ-بەند, فولكلورلىق توپ جەنە كونتسەرتتٸك وركەستر بار. بيىلدان باستاپ ولاردىڭ قاتارىنا ەسكەري تەاتر توبى قوسىلىپ وتىر.
