Qazaqstan Prezidenti áskeri mindettilerdi arnaýly jiynǵa shaqyrý týraly jarlyq shyǵardy, dep habarlaidy Aqorda. "Ult aqparat" jarlyqtyń tolyq mátinin jariialaidy.
Áskeri mindettilerdi arnaýly jiyndarǵa shaqyrý týraly
«Qazaqstan Respýblikasynyń qorǵanysy jáne Qarýly Kúshteri týraly» 2005 jylǵy 7 qańtardaǵy Qazaqstan Respýblikasy Zańynyń 5-baby
2-tarmaǵynyń 11) tarmaqshasyna sáikes QAÝLY ETEMIN:
1. Qazaqstan Respýblikasy Qarýly Kúshteriniń aýmaqtyq áskerlerin jasaqtaý úshin áskeri mindettiler arnaýly jiyndarǵa shaqyrylsyn.
2. Astananyń, respýblikalyq mańyzy bar qalalardyń jáne oblystardyń jergilikti atqarýshy organdary:
1) Qazaqstan Respýblikasy Qarýly Kúshteriniń Bas shtabymen kelisý boiynsha shaqyrylatyn áskeri mindettilerdiń sanyn jáne arnaýly jiyndardy ótkizý merzimderin aiqyndai otyryp, tiisti jergilikti áskeri basqarý organdary arqyly áskeri mindettilerdi arnaýly jiyndarǵa shaqyrýdy júrgizýdi uiymdastyrsyn jáne qamtamasyz etsin;
2) osy Jarlyqtan týyndaityn ózge de sharalardy qabyldasyn.
3. Osy Jarlyq alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń Prezidenti Q.Toqaev
Nur-Sultan, Aqorda, 2020 jylǵy 2 sáýir
