Qazaqstanda áskeri qyzmetshilerdiń jalaqysy 1 shildeden bastap 25 paiyzǵa artady. Bul týraly búgin Aqordada elimizdiń tynyshtyǵyn, Otanymyzdyń jerin, shekarasyn qorǵaý úshin qyzmet etip júrgen birqatar áskeri qyzmetshini memlekettik nagradamen marapattaý barysynda Elbasy Nursultan Nazarbaev aitty, dep habarlaidy QazAqparat.
«Táýelsizdigimizdiń 25 jyldyǵynyń jáne Qarýly Kúshterdiń 25 jyldyǵynyń qurmetine orai men Qorǵanys ministrliginiń, Ulttyq qaýipsizdik qyzmetiniń, Ulttyq gvardiianyń jáne Memlekettik kúzet qyzmetiniń áskeri qyzmetshileriniń laýazymdyq jalaqylaryn birinshi shildeden bastap 25 paiyzǵa kóterý týraly sheshim qabyldadym», - dedi Elbasy saltanatty shara barysynda.
Memleket basshysy búgingi marapattalǵaly otyrǵan áskeri qyzmetshiler ózderiniń azamattyq, áskeri paryzdaryn abyroimen atqaryp júrgenderin jáne olardyń ár isi men erligi keler urpaqqa úlgi-ónege ekendigin basa aitty.
«Kez kelgen Táýelsiz memlekettiń Qarýly Kúshiniń, quqyq qorǵaý organdarynyń bolýy qajet ekendigin bilemiz. Sondyqtan memleket qiyndyqtarǵa qaramastan áskeri qyzmetshilerdiń materialdyq-tehnikalyq bazasyn kúsheitý jáne jaǵdailaryn jasaý úshin barlyq sharany qabyldap otyrady», - dep atap ótti Nursultan Nazarbaev.
.jpeg)