قازاقستاندا ەسكەري قىزمەتشٸلەردٸڭ جالاقىسى 1 شٸلدەدەن باستاپ 25 پايىزعا ارتادى. بۇل تۋرالى بٷگٸن اقوردادا ەلٸمٸزدٸڭ تىنىشتىعىن, وتانىمىزدىڭ جەرٸن, شەكاراسىن قورعاۋ ٷشٸن قىزمەت ەتٸپ جٷرگەن بٸرقاتار ەسكەري قىزمەتشٸنٸ مەملەكەتتٸك ناگرادامەن ماراپاتتاۋ بارىسىندا ەلباسى نۇرسۇلتان نازارباەۆ ايتتى, دەپ حابارلايدى قازاقپارات.
«تەۋەلسٸزدٸگٸمٸزدٸڭ 25 جىلدىعىنىڭ جەنە قارۋلى كٷشتەردٸڭ 25 جىلدىعىنىڭ قۇرمەتٸنە وراي مەن قورعانىس مينيسترلٸگٸنٸڭ, ۇلتتىق قاۋٸپسٸزدٸك قىزمەتٸنٸڭ, ۇلتتىق گۆاردييانىڭ جەنە مەملەكەتتٸك كٷزەت قىزمەتٸنٸڭ ەسكەري قىزمەتشٸلەرٸنٸڭ لاۋازىمدىق جالاقىلارىن بٸرٸنشٸ شٸلدەدەن باستاپ 25 پايىزعا كٶتەرۋ تۋرالى شەشٸم قابىلدادىم», - دەدٸ ەلباسى سالتاناتتى شارا بارىسىندا.
مەملەكەت باسشىسى بٷگٸنگٸ ماراپاتتالعالى وتىرعان ەسكەري قىزمەتشٸلەر ٶزدەرٸنٸڭ ازاماتتىق, ەسكەري پارىزدارىن ابىرويمەن اتقارىپ جٷرگەندەرٸن جەنە ولاردىڭ ەر ٸسٸ مەن ەرلٸگٸ كەلەر ۇرپاققا ٷلگٸ-ٶنەگە ەكەندٸگٸن باسا ايتتى.
«كەز كەلگەن تەۋەلسٸز مەملەكەتتٸڭ قارۋلى كٷشٸنٸڭ, قۇقىق قورعاۋ ورگاندارىنىڭ بولۋى قاجەت ەكەندٸگٸن بٸلەمٸز. سوندىقتان مەملەكەت قيىندىقتارعا قاراماستان ەسكەري قىزمەتشٸلەردٸڭ ماتەريالدىق-تەحنيكالىق بازاسىن كٷشەيتۋ جەنە جاعدايلارىن جاساۋ ٷشٸن بارلىق شارانى قابىلداپ وتىرادى», - دەپ اتاپ ٶتتٸ نۇرسۇلتان نازارباەۆ.
.jpeg)