Foto: kazguu.kz
Qorǵanys ministrligi áskeri kafedralar jumysyn qamtamasyz etýge qansha qarajat bólinetindigine qatysty málimdeme jasady, dep habarlaidy QazAqparat.
«Daiarlyqty qarjylandyrý (áskeri rezerv) memlekettik tapsyrys boiynsha QR Bilim jáne ǵylym ministrligine qarasty 020 biýdjettik baǵdarlama boiynsha jáne QR Densaýlyq saqtaý ministrligine qarasty 003 biýdjettik baǵdarlama boiynsha júzege asyrylady», - dep jazdy QR Qorǵanys ministri Rýslan Jaqsylyqov depýtattyq saýalǵa bergen jaýabynda.
Atap aitqanda, jyl saiyn tegin negizde oqityn bir stýdent úshin QR Bilim jáne ǵylym ministrliginen 179 800 teńge jáne QR Densaýlyq saqtaý ministrliginen - 138 500 teńge bólinedi.
«Áskeri oqytylǵan rezervti jinaqtaý aqyly negizde oqityn stýdentter esebinen júrgiziledi. Bul óz kezeginde memlekettik biýdjetke túsetin qosymsha júktemeni alyp tastaidy. Al kórshi el Reseidiń tájiribesine súiensek, áskeri rezervti daiarlaý memleket esebinen tolyq qarjylandyrylady. Onyń ishine áskeri oqytylǵan rezervti daiarlaý ortalyqtarynyń infraqurylymyn, professor-oqytýshylar quramy men bilim alýshylar shtatyn ustaý (áskeri kiim, tamaq jáne aqshalai qamtamasyz etý) kiredi», - deidi qorǵanys ministri.
