Áskerge shaqyrylǵandardy SMS habarlama arqyly ýaqtyly habardar etýdi qolǵa alynady. Bul týraly Qorǵanys ministrliginde 2020 jylǵa áskeri qyzmetke shaqyrýdy qorytyndylaý barysynda aityldy, dep habarlaidy "Ult aqparat" vedostvonyń baspasóz qyzmetine silteme jasap.
Keńeitilgen keńes QR Qorǵanys ministriniń birinshi orynbasary – Qarýly kúshter Bas shtabynyń bastyǵy general-leitenant Murat Bektanovtyń basshylyǵymen ótti.
Jiynda áskerge shaqyrý naýqany kezinde áskerge shaqyrylýshylardy ýaqtyly habardar etý máselesi tolyq sheshilmegeni aityldy. Osyǵan bailanysty «elektrondy úkimettiń» derekter bazasymen integratsiialaý boiynsha jumys júrgizilip jatyr. Bul áskerge shaqyrylýshylardy belgileýdi jeńildetedi jáne olardy SMS habarlama arqyly ýaqtyly habardar etýdi qamtamasyz etedi.
Ministrliktiń málimdeýinshe, COVID-19 pandemiiasy shaqyrý naýqanynyń barysyna aitarlyqtai áser etkenine qaramastan, 2020 jyly 34 myńǵa jýyq azamat áskeri qyzmetke shaqyrylǵan.
Qorǵanys ministrliginiń Ortalyq áskeri-dárigerlik komissiiasynyń aqparaty boiynsha, meditsinalyq kýálandyrý sapasy jaqsardy. Máselen, 2019 jyly áskeri qyzmetke qatysty emes 22 syrqat túri anyqtalǵan. Ótken jyly rastalǵany ekeý.
«Áskerge shaqyrylýshylardyń barlyǵy mindetti áleýmettik meditsinalyq saqtandyrý júiesimen qamtylmaǵan, sondyqtan alǵashqy meditsinalyq kýálandyrýdan keiin odan ári emdeý maqsatynda olarǵa qajetti meditsinalyq qyzmetter árdaiym qoljetimdi bola bermeidi. Bul úshin áskeri-dárigerlik komissiia (ÁDK) mamandarynyń Densaýlyq saqtaý ministrliginiń aqparattyq júielerine qoljetimdiligi qamtamasyz etiletin bolady», delingen habarlamada.
