Qazaqstanda árbir besinshi bala artyq salmaqtan zardap shegedi. Bul týraly OQO óńirlik kommýnikatsiialar qyzmetinde ótken brifingte Qazaq taǵamtaný akademiiasynyń nýtritsiolog mamany A.Chýenbekova men Densaýlyq saqtaý basqarmasy basshysynyń orynbasary mindetin atqarýshy A.Imanalina baiandady. «Qazaqtyń jańa tabaǵy» uranymen durys tamaqtanýdy nasihattaýshylar otandastarymyzdy maisyz etti tutynýǵa, qoregimizdiń quramyndaǵy qant mólsherin shekteýge shaqyryp, kókónister men jemis-jidekterdiń úlesin arttyrýǵa úndedi.
Elimizde salaýatty ómir salty ortalyǵynyń 1998 jyldan bastap, ár úsh jyl saiyn júrgizgen zertteýlerine súiensek, adamdardyń basym bóligi kúnine eki ret ystyq tamaq tutynbaidy. Al, 12 paiyzy úsh ret as ishetinin aitsa, 9 paiyzy bar bolǵany bir táýlikte bir ret qana qorektenedi. Turǵyndardyń jartysyna jýyǵy kúndelikti asynyń 400 grammy jemis-jidek bolýy tiis ekenin bilmeidi de. Saýalnamaǵa qatysqandardyń kóbisi tiisti mólsherde et ónimderin paidalanbaidy eken.
Dárigerlerge sensek, qazaqstandyqtar jeitin asyna jii zeiinsiz qaraidy. Al, aýyrǵan kezde kúndelikti jarnama betterinen túspeitin eń jańa preparattardy izdeidi.
«Balalar arasynda fastfýd ónimderin tutyný beleń alyp barady. Zertteýlerge súiensek, jasóspirimderdiń 13,7 paiyzy kúnine bir ret fastfýdty azyq etedi. Sonymen qatar, uiqyǵa jatarda tamaqtaný, dene belsendiligiń azdyǵy, qimyldyń joqtyǵy júrek qan tamyrlary aýrýlaryna, semizdikke taǵy basqa da kóptegen aýrýlardyń asqynýlaryna ákelip soǵýda. Al, tiimdi tamaqtaný keibir sozylmaly aýrýlary bar adamdardyń densaýlyǵyn jaqsartýǵa negiz bolady», – deidi Aigúl Jaqypqyzy.
Qazaq taǵamtaný akademiiasynyń 2012 jyly júrgizgen zertteýiniń nátijesine súiensek, Qazaqstan halqynyń jartysynan astamy artyq salmaqqa jáne semizdikke shaldyqqan.
«1 jáne 14 jas aralyǵyndaǵy árbir besinshi bala artyq salmaqtan zardap shegedi. Bul – turǵyndardyń 21,5 paiyzy. Bulardyń jartysy semizdikke shaldyqqan, – deidi Ardaq Baibaraqqyzy.
Spikerlerdiń aitýynsha, saýmalda adam densaýlyǵyn jaqsartýǵa qajetti barlyq zattar bar. Ásirese A jáne S dárýmenderi kóp. Sonymen qatar V1, V2, V12, RR, D, E dárimenderi men foli qyshqyly, biotin jáne basqa da aǵzaǵa qajettilikter jetkilikti. Bir litr saýmalda 85-ten 140 grammǵa deiin qyshqyl, 70 gramǵa deiin karotin kezdesedi. Salystyrmaly túrde alǵanda, siyr sútinen birneshe ese paidaly. Dárýmenderden bólek saýmal antibakteriialyq fermentterge bai. Mikroelementter (kaltsii, magnii, fosfor, marganets, mys, kobalt, t.b.) zat almasýlar júiesine kómektesedi, súiek pen bulshyqetter qańqalarynyń qalyptasýyna oń áser etedi. Al, qymyz adam immýnitetin joǵarylady. Aǵzanyń qorǵanysh qabyletin arttyrady. Kymyz jetispeitin asqazan qyshqylyn da almastyra alady. Qymyz qyshqyly qanǵa oń áser etedi. Gemoglobin quramyn kúsheitedi. Obyr dertin tejeýge qaýqarly qymyzdy júrektiń sozylmaly ishemiialyq aýrýyna shaldyqqan naýqastarǵa da usynýǵa bolady.
OQO ákiminiń baspasóz qyzmeti
