2022 jyldyń qańtar-sáýir ailarynda sharýalar 1,6 mlrd dana jumyrtqa óndirdi. Bul bir jyl burynǵy kórsetkishten 12,1 paiyz artyq, dep habarlaidy QazAqparat energyprom.kz saityna silteme jasap.
Óńirlik turǵyda jumyrtqa óndirý jaǵynan birinshi oryndy Almaty oblysy tur – 300,3 mln dana jumyrtqa jáne ónim ósimi 27,5% quraǵan.
Óndiris jaǵynan kósh bastap turǵan óńirler arasynda sondai-aq Aqmola oblysy (233,4 mln dana, minýs 1,8%) jáne Soltústik Qazaqstan oblysy (213,7 mln dana, ósim 2,2 eseni kórsetti) bar.
Jalpy, 2021 jyldyń qańtar-jeltoqsan ailarynda elimizde 4,8 mlrd dana jumyrtqa óndirildi. Bul bir jyl burynǵy kórsetkishten 4,5% az. Buǵan deiin 2019-2020 jyldary da elimizde óndiristiń quldyraýy baiqalǵan. 2021 jyly bir qazaqstandyqtyń jumyrtqany ortasha tutynýy jylyna 193,9 jumyrtqany nemese aiyna 16,2 jumyrtqany qurady. Bul bir jyl burynǵy kórsetkishten 2,6% az.
Sondai-aq qala turǵyndarynyń aýyldyqtarǵa qaraǵanda jumyrtqany kóbirek tutynatyny belgili boldy. Jan basyna shaqqanda ortasha alǵanda jylyna 211,9 dana (aýylda168,2 dana). Jumyrtqany kóp jeitinder Qostanai oblysynda turady: ótken jyly oblystyń bir turǵynyna shaqqandaǵy ortasha tutyný 259,8 jumyrtqany qurady, pliýs jylyna 2,3%. Úzdik «úshtikke» Qaraǵandy men Aqmola oblystary da kirdi. Eń tómengi kórsetkishter Mańǵystaý oblysynda tirkeldi.
