2022 جىلدىڭ قاڭتار-سەۋٸر ايلارىندا شارۋالار 1,6 ملرد دانا جۇمىرتقا ٶندٸردٸ. بۇل بٸر جىل بۇرىنعى كٶرسەتكٸشتەن 12,1 پايىز ارتىق, دەپ حابارلايدى قازاقپارات energyprom.kz سايتىنا سٸلتەمە جاساپ.
ٶڭٸرلٸك تۇرعىدا جۇمىرتقا ٶندٸرۋ جاعىنان بٸرٸنشٸ ورىندى الماتى وبلىسى تۇر – 300,3 ملن دانا جۇمىرتقا جەنە ٶنٸم ٶسٸمٸ 27,5% قۇراعان.
ٶندٸرٸس جاعىنان كٶش باستاپ تۇرعان ٶڭٸرلەر اراسىندا سونداي-اق اقمولا وبلىسى (233,4 ملن دانا, مينۋس 1,8%) جەنە سولتٷستٸك قازاقستان وبلىسى (213,7 ملن دانا, ٶسٸم 2,2 ەسەنٸ كٶرسەتتٸ) بار.
جالپى, 2021 جىلدىڭ قاڭتار-جەلتوقسان ايلارىندا ەلٸمٸزدە 4,8 ملرد دانا جۇمىرتقا ٶندٸرٸلدٸ. بۇل بٸر جىل بۇرىنعى كٶرسەتكٸشتەن 4,5% از. بۇعان دەيٸن 2019-2020 جىلدارى دا ەلٸمٸزدە ٶندٸرٸستٸڭ قۇلدىراۋى بايقالعان. 2021 جىلى بٸر قازاقستاندىقتىڭ جۇمىرتقانى ورتاشا تۇتىنۋى جىلىنا 193,9 جۇمىرتقانى نەمەسە ايىنا 16,2 جۇمىرتقانى قۇرادى. بۇل بٸر جىل بۇرىنعى كٶرسەتكٸشتەن 2,6% از.
سونداي-اق قالا تۇرعىندارىنىڭ اۋىلدىقتارعا قاراعاندا جۇمىرتقانى كٶبٸرەك تۇتىناتىنى بەلگٸلٸ بولدى. جان باسىنا شاققاندا ورتاشا العاندا جىلىنا 211,9 دانا (اۋىلدا168,2 دانا). جۇمىرتقانى كٶپ جەيتٸندەر قوستاناي وبلىسىندا تۇرادى: ٶتكەن جىلى وبلىستىڭ بٸر تۇرعىنىنا شاققانداعى ورتاشا تۇتىنۋ 259,8 جۇمىرتقانى قۇرادى, پليۋس جىلىنا 2,3%. ٷزدٸك «ٷشتٸككە» قاراعاندى مەن اقمولا وبلىستارى دا كٸردٸ. ەڭ تٶمەنگٸ كٶرسەتكٸشتەر ماڭعىستاۋ وبلىسىندا تٸركەلدٸ.
