Jambylda zańsyz ań aýlap júrgen arabtar qolǵa tústi. Sarysý aýdanynda saiatshylyq qurǵan Birikken Arab Ámirlikteriniń sheihtary Qyzyl kitapqa engen qustardy qyryp tastaǵan.
Emirat elinen kelgen ekeýdi oblys prokýrorlary «Ohotozooprom» mamandarymen birlesken reid barysynda qolǵa túsiredi. Olardyń jol talǵamaityn qymbat kóliginiń ishinen bir dana shalajansar «qarabaýyr buldyryq» pen beseýiniń óleksesi tabylady. Onymen qosa, «shól taýyǵy» sanalatyn dýadaq eti salynǵan eki qap tárkilengen. Bular Qazaqstannan ózge Kishi Aziia men Soltústik Afrikada ǵana meken etetindikten popýliatsiiasy az. Sondyqtan Qyzyl kitapqa engen qustar. Arabtardyń kinálary dáleldense, 3 jyl bas bostandyǵynan airylady nemese úsh myń ailyq eseptik kórsetkish mólsherindegi aiyppulmen qutylady. Olar "Qazaqstanǵa dala qustaryn býdandastyrý úshin keldik» dep túsindirgen dep habarlaidy Astana arnasy.
-Munda ana qustyń óligi. -Qansha qus bar?- Hamsa, beseý.
«Sheteldik azamattardyń isi Sarysý aýdandyq Ishki ister bólimine berildi. Tárkilengen qustarǵa sot-biologiialyq saraptamasy, al qoldanǵan qarýlaryna qatysty sot-ballistikalyq saraptamasy taǵaiyndaldy. Qazirgi tańda kúdiktilerdiń ústinen «Sirek kezdesetin jáne joǵalyp ketý qaýpi tóngen qustardy zańsyz aýlaý» boiynsha qylmystyq is qozǵalyp otyr. Bul qylmystyq is orta dárejedegi quqyq buzýshylyq bolyp tabylady. Sondyqtan olar qolhatpen bosatyldy. Kúdiktiler oblys aýmaǵynan shyqpaýǵa jáne tergeýshi organdarǵa belgilenip turýǵa mindetteldi»,- deidi Jambyl oblystyq prokýratýra 1-shi basqarmasynyń aǵa prokýrory Abyroi Azamatov.
