جامبىلدا زاڭسىز اڭ اۋلاپ جٷرگەن ارابتار قولعا تٷستٸ. سارىسۋ اۋدانىندا ساياتشىلىق قۇرعان بٸرٸككەن اراب ەمٸرلٸكتەرٸنٸڭ شەيحتارى قىزىل كٸتاپقا ەنگەن قۇستاردى قىرىپ تاستاعان.
ەميرات ەلٸنەن كەلگەن ەكەۋدٸ وبلىس پروكۋرورلارى «وحوتوزووپروم» ماماندارىمەن بٸرلەسكەن رەيد بارىسىندا قولعا تٷسٸرەدٸ. ولاردىڭ جول تالعامايتىن قىمبات كٶلٸگٸنٸڭ ٸشٸنەن بٸر دانا شالاجانسار «قاراباۋىر بۇلدىرىق» پەن بەسەۋٸنٸڭ ٶلەكسەسٸ تابىلادى. ونىمەن قوسا, «شٶل تاۋىعى» سانالاتىن دۋاداق ەتٸ سالىنعان ەكٸ قاپ تەركٸلەنگەن. بۇلار قازاقستاننان ٶزگە كٸشٸ ازييا مەن سولتٷستٸك افريكادا عانا مەكەن ەتەتٸندٸكتەن پوپۋلياتسيياسى از. سوندىقتان قىزىل كٸتاپقا ەنگەن قۇستار. ارابتاردىڭ كٸنەلارى دەلەلدەنسە, 3 جىل باس بوستاندىعىنان ايرىلادى نەمەسە ٷش مىڭ ايلىق ەسەپتٸك كٶرسەتكٸش مٶلشەرٸندەگٸ ايىپپۇلمەن قۇتىلادى. ولار "قازاقستانعا دالا قۇستارىن بۋدانداستىرۋ ٷشٸن كەلدٸك» دەپ تٷسٸندٸرگەن دەپ حابارلايدى استانا ارناسى.
-مۇندا انا قۇستىڭ ٶلٸگٸ. -قانشا قۇس بار?- حامسا, بەسەۋ.
«شەتەلدٸك ازاماتتاردىڭ ٸسٸ سارىسۋ اۋداندىق ٸشكٸ ٸستەر بٶلٸمٸنە بەرٸلدٸ. تەركٸلەنگەن قۇستارعا سوت-بيولوگييالىق ساراپتاماسى, ال قولدانعان قارۋلارىنا قاتىستى سوت-بالليستيكالىق ساراپتاماسى تاعايىندالدى. قازٸرگٸ تاڭدا كٷدٸكتٸلەردٸڭ ٷستٸنەن «سيرەك كەزدەسەتٸن جەنە جوعالىپ كەتۋ قاۋپٸ تٶنگەن قۇستاردى زاڭسىز اۋلاۋ» بويىنشا قىلمىستىق ٸس قوزعالىپ وتىر. بۇل قىلمىستىق ٸس ورتا دەرەجەدەگٸ قۇقىق بۇزۋشىلىق بولىپ تابىلادى. سوندىقتان ولار قولحاتپەن بوساتىلدى. كٷدٸكتٸلەر وبلىس اۋماعىنان شىقپاۋعا جەنە تەرگەۋشٸ ورگاندارعا بەلگٸلەنٸپ تۇرۋعا مٸندەتتەلدٸ»,- دەيدٸ جامبىل وبلىستىق پروكۋراتۋرا 1-شٸ باسقارماسىنىڭ اعا پروكۋرورى ابىروي ازاماتوۆ.
