Qoǵam qairatkeri Murat Ábenov qashyqtan bilim berý júiesiniń artyqshylyqtary týraly aitty, dep habarlaidy QazAqparat.
Onyń aitýynsha, jańa júiege aýysý balalarǵa emes, ata-anaǵa qiyn soqqan tárizdi.
«Qazir nemerem 1 synypta oqyp júr. Meniń baiqaǵanym, smartfon ustap ósken qazirgi balalar bul júiede kóp qinalǵan joq. Balalarǵa jańa tehnologiia jaqyn, olarǵa telefon - qolynyń jalǵasy siiaqty. Munda bala emes, ata-analar kóbirek qinalǵan siiaqty. Biraz ata-ananyń tsifrlyq saýaty tómen ekeni kórindi. Jalpy balalardyń ata-anasynan ozyp ketkenin kóremiz», - dedi M. Ábenov «Qashyqtan oqytý - oqýshylar men ata-analar úshin jańa tájiribe» atty onlain-konferentsiiasynda.
Sonymen birge, spiker Bilim jáne ǵylym ministrligi internet máselesin utymdy sheshkenin baǵalady.
«Bilim ministrligi bul problemany utymdy sheshýge tyrysty. Qai jerde internet bar, sonda ǵana qosý kerek. Sosyn teledidar arqyly bilim berý de máseleni sheshti. Bul Qytaidyń tájiribesinde bar. 1980 jyldary bilimdi kóterý kezinde alystaǵy aýyldarǵa ustaz tabylmaǵan soń, olar teledidardy paidalandy. Teledidar júiesi óte arzan. Internet qajet etpeidi. Teledidardy ary qarai oqytý júiesin jalǵastyrý qajet», - dedi qoǵam qairatkeri.
Onyń aitýynsha, qashyqtan oqytý júiesi barlyǵyn ádil baǵalaýǵa múmkindik berip jatyr. Bir jaǵynan infraqurylym nasharlyǵy kórinse, ekinshi jaǵynan eń talantty azamattar tanyldy, baiqalmai júrgen jobalar alǵa shyqty.
«Serpin» baǵdarlamasy arqyly aǵylshyn tilin oqytý babymen Angliiaǵa barǵan edik. Sonda qashyqtan oqytý boiynsha birshama qalyp qoiǵanymyz baiqaldy. Qazir amaldyń joqtyǵynan osy júiege aýysýǵa májbúr boldyq. Sondyqtan, qashyqtan oqytý júiesi parallel júie retinde qalýy kerek. Bul - óte jaqsy ádis, úirenip alǵan soń ony toqtatýdyń qajeti joq. Kerisinshe, óńirlerde shaǵyn mektepterge kerek. Ol jerge fizika, informatika muǵalimderi joq. Sondyqtan, qashyqtan oqytý arqyly búkil Qazaqstanǵa sabaq beretin talantty azamattardy taýyp, teledidar, intenet arqyly alystaǵy mektepterge sabaq bere alamyz», - dedi M. Ábenov.
Sondai-aq, spiker ustazdardyń qoǵamdaǵy belsendiligi asa mańyzdy ekenin atap ótti.
«Osy ýaqytqa deiin elimizde ánshiden bastap, ázilqoilarǵa deiin túrli juldyzdar boldy. Endi Qazaqstanda muǵalimder juldyz bolady. Arnaiy zań qabyldandy, jalaqy 25 paiyzǵa kóterildi, ata-analar muǵalimderdiń eren eńbegin túsinip jatyr. Qazir qansha adam ekran arqyly myqty ustazdardy kóredi, kóshede tanidy, balalarynyń esimin yrymdap qoiady. Qai qoǵamda ustaz «juldyz» bolsa, qurmetti bolsa, sol qoǵam alǵa shyǵady. Eger muǵalimder internetke shyqsa, saiasi-qoǵamdyq belsendiligi artady, óz quqyqtaryn talap etedi. Dál osy qarqynmen bir jyldan keiin muǵalimder óte belsendi bolyp shyǵady. Bizge belsendi, óz quqyǵyn talap ete alatyn, ózin qorǵai alatyn muǵalimder qajet. Sondai muǵalimder balalarǵa azamattyq qasiet úiretedi dep oilaimyn», - dedi Murat Ábenov.
