قوعام قايراتكەرٸ مۇرات ەبەنوۆ قاشىقتان بٸلٸم بەرۋ جٷيەسٸنٸڭ ارتىقشىلىقتارى تۋرالى ايتتى, دەپ حابارلايدى قازاقپارات.
ونىڭ ايتۋىنشا, جاڭا جٷيەگە اۋىسۋ بالالارعا ەمەس, اتا-اناعا قيىن سوققان تەرٸزدٸ.
«قازٸر نەمەرەم 1 سىنىپتا وقىپ جٷر. مەنٸڭ بايقاعانىم, سمارتفون ۇستاپ ٶسكەن قازٸرگٸ بالالار بۇل جٷيەدە كٶپ قينالعان جوق. بالالارعا جاڭا تەحنولوگييا جاقىن, ولارعا تەلەفون - قولىنىڭ جالعاسى سيياقتى. مۇندا بالا ەمەس, اتا-انالار كٶبٸرەك قينالعان سيياقتى. بٸراز اتا-انانىڭ تسيفرلىق ساۋاتى تٶمەن ەكەنٸ كٶرٸندٸ. جالپى بالالاردىڭ اتا-اناسىنان وزىپ كەتكەنٸن كٶرەمٸز», - دەدٸ م. ەبەنوۆ «قاشىقتان وقىتۋ - وقۋشىلار مەن اتا-انالار ٷشٸن جاڭا تەجٸريبە» اتتى ونلاين-كونفەرەنتسيياسىندا.
سونىمەن بٸرگە, سپيكەر بٸلٸم جەنە عىلىم مينيسترلٸگٸ ينتەرنەت مەسەلەسٸن ۇتىمدى شەشكەنٸن باعالادى.
«بٸلٸم مينيسترلٸگٸ بۇل پروبلەمانى ۇتىمدى شەشۋگە تىرىستى. قاي جەردە ينتەرنەت بار, سوندا عانا قوسۋ كەرەك. سوسىن تەلەديدار ارقىلى بٸلٸم بەرۋ دە مەسەلەنٸ شەشتٸ. بۇل قىتايدىڭ تەجٸريبەسٸندە بار. 1980 جىلدارى بٸلٸمدٸ كٶتەرۋ كەزٸندە الىستاعى اۋىلدارعا ۇستاز تابىلماعان سوڭ, ولار تەلەديداردى پايدالاندى. تەلەديدار جٷيەسٸ ٶتە ارزان. ينتەرنەت قاجەت ەتپەيدٸ. تەلەديداردى ارى قاراي وقىتۋ جٷيەسٸن جالعاستىرۋ قاجەت», - دەدٸ قوعام قايراتكەرٸ.
ونىڭ ايتۋىنشا, قاشىقتان وقىتۋ جٷيەسٸ بارلىعىن ەدٸل باعالاۋعا مٷمكٸندٸك بەرٸپ جاتىر. بٸر جاعىنان ينفراقۇرىلىم ناشارلىعى كٶرٸنسە, ەكٸنشٸ جاعىنان ەڭ تالانتتى ازاماتتار تانىلدى, بايقالماي جٷرگەن جوبالار العا شىقتى.
«سەرپٸن» باعدارلاماسى ارقىلى اعىلشىن تٸلٸن وقىتۋ بابىمەن انگليياعا بارعان ەدٸك. سوندا قاشىقتان وقىتۋ بويىنشا بٸرشاما قالىپ قويعانىمىز بايقالدى. قازٸر امالدىڭ جوقتىعىنان وسى جٷيەگە اۋىسۋعا مەجبٷر بولدىق. سوندىقتان, قاشىقتان وقىتۋ جٷيەسٸ پاراللەل جٷيە رەتٸندە قالۋى كەرەك. بۇل - ٶتە جاقسى ەدٸس, ٷيرەنٸپ العان سوڭ ونى توقتاتۋدىڭ قاجەتٸ جوق. كەرٸسٸنشە, ٶڭٸرلەردە شاعىن مەكتەپتەرگە كەرەك. ول جەرگە فيزيكا, ينفورماتيكا مۇعالٸمدەرٸ جوق. سوندىقتان, قاشىقتان وقىتۋ ارقىلى بٷكٸل قازاقستانعا ساباق بەرەتٸن تالانتتى ازاماتتاردى تاۋىپ, تەلەديدار, ينتەنەت ارقىلى الىستاعى مەكتەپتەرگە ساباق بەرە الامىز», - دەدٸ م. ەبەنوۆ.
سونداي-اق, سپيكەر ۇستازداردىڭ قوعامداعى بەلسەندٸلٸگٸ اسا ماڭىزدى ەكەنٸن اتاپ ٶتتٸ.
«وسى ۋاقىتقا دەيٸن ەلٸمٸزدە ەنشٸدەن باستاپ, ەزٸلقويلارعا دەيٸن تٷرلٸ جۇلدىزدار بولدى. ەندٸ قازاقستاندا مۇعالٸمدەر جۇلدىز بولادى. ارنايى زاڭ قابىلداندى, جالاقى 25 پايىزعا كٶتەرٸلدٸ, اتا-انالار مۇعالٸمدەردٸڭ ەرەن ەڭبەگٸن تٷسٸنٸپ جاتىر. قازٸر قانشا ادام ەكران ارقىلى مىقتى ۇستازداردى كٶرەدٸ, كٶشەدە تانيدى, بالالارىنىڭ ەسٸمٸن ىرىمداپ قويادى. قاي قوعامدا ۇستاز «جۇلدىز» بولسا, قۇرمەتتٸ بولسا, سول قوعام العا شىعادى. ەگەر مۇعالٸمدەر ينتەرنەتكە شىقسا, ساياسي-قوعامدىق بەلسەندٸلٸگٸ ارتادى, ٶز قۇقىقتارىن تالاپ ەتەدٸ. دەل وسى قارقىنمەن بٸر جىلدان كەيٸن مۇعالٸمدەر ٶتە بەلسەندٸ بولىپ شىعادى. بٸزگە بەلسەندٸ, ٶز قۇقىعىن تالاپ ەتە الاتىن, ٶزٸن قورعاي الاتىن مۇعالٸمدەر قاجەت. سونداي مۇعالٸمدەر بالالارعا ازاماتتىق قاسيەت ٷيرەتەدٸ دەپ ويلايمىن», - دەدٸ مۇرات ەبەنوۆ.
