Shyǵys Qazaqstan oblysynda búirektiń qaterli isigine robottandyrylǵan ota jasaldy. Robottandyrylǵan adrenalektomiia 64 jastaǵy naýqasqa jasaldy. Ol oń jaq búirektiń qaterli isigine shaldyqqan, – dep habarlaidy oblystyq kóp salaly onkologiia jáne hirýrgiia ortalyǵynyń baspasóz qyzmeti.
Ortalyqtyń onkolog dárigerleri onkoýrologiiada robottandyrylǵan hirýrgiiany engizdi. Óńirde ǵana emes, Qazaqstanda tuńǵysh ret búirektiń qaterli isigine robottandyrylǵan ota jasaldy
«Robottandyrylǵan adrenalektomiia 64 jastaǵy naýqasqa jasaldy. Ol oń jaq búirektiń qaterli isigine shaldyqqan. 40 minýtqa sozylǵan otany dáriger Hýsan Ómirzaqov pen onyń assistentteri Asqar Ibraev jáne Saian Saǵidýllin jasady. Qazirgi ýaqytta emdelýshiniń jaǵdaiy qanaǵattanarlyq» dep kórsetilgen baspasóz aqparatynda.
Adrenalektomiia – óte kúrdeli hirýrgiialyq ota. Organnyń gormanaldy-belsendi isikteri kezinde jasalady. Mundai qaterli isik ishki sekretsiia men zat almasýdyń buzylýyna, gipertenziiaǵa jáne basqa da qaýipti jaǵdaiǵa alyp kelýi múmkin. Ota kezinde bezdi organǵa jasalatyn manipýliatsiialardyń qyr-syryn bilýmen qatar, endokrinologiialyq ózgeristerdiń erekshelikterin de jete bilý qajet.
