Foto: QR DSM
Qazaqstanda biologiialyq belsendi qospalardy (BBQ) tańbalaý boiynsha alǵashqy pilottyq joba júzege asty. Shymkenttegi eki otandyq óndirýshiniń bazasynda qospalardy tańbalaý jáne qadaǵalaý júiesiniń synaqtan ótýi sátti ótti, dep habarlaidy Ult.kz.
Eksperiment barysynda qatysýshylarǵa ónimdi tirkeýden bastap baqylaý-kassalyq mashinalar arqyly ainalymnan shyǵarýǵa deiingi barlyq negizgi protsester kórsetildi.
Otandyq óndirýshilerdiń biri – atqarýshy direktor Maqsat Jumataevtyń aitýynsha, mindetti tańbalaý salanyń birqatar máselelerin sheshýge kómektesedi. Onyń ishinde zańsyz eksport máselesi de bar.
– Biologiialyq belsendi qospalar densaýlyqqa tikelei bailanysty. Olardyń áseri dári-dármekke uqsas, sondyqtan tutynýshylar úshin ónim týraly tolyq aqparat qoljetimdi bolýy mańyzdy. Tańbalaý júiesi arqyly ónimniń kimge tiesili ekenin, qashan jáne qaida shyǵarylǵanyn bilýge bolady. Bul saladaǵy ashyqtyqty arttyrady, – dedi ol.
Ekinshi óndiristik alańda da 500-den astam qaptama biregei Data Matrix kodtaryn alyp, tańbalaý júiesi tolyq tekserildi.
Pilottyq joba qorytyndysy boiynsha birqatar usynystar ázirlendi. Atap aitqanda:
-
Qazaqstanda taýardy ótkizýge ekskliýzivti quqyǵy joq zańdy tulǵalarǵa tańbalaý kodtaryna tapsyrysty shekteý;
-
qadaǵalaý qujattaryn taýar baǵalaryn kórsetpei berý múmkindigin qarastyrý;
-
mindetti tańbalaý engizilgende ádettegi shtrih-kodtardy alyp tastaý máselesin talqylaý.
Jańa júie ónimniń óndirýshiden sońǵy tutynýshyǵa deiin tolyq qadaǵalanýyn qamtamasyz etedi. Bul Qazaqstan naryǵyndaǵy sapany arttyryp, jalǵan ónimderdiń aldyn alýǵa múmkindik beredi. Tutynýshylar taýar týraly tolyq aqparatty Naqty Onim mobildi qosymshasy arqyly bile alady.
Pilottyq jobaǵa QR Densaýlyq saqtaý ministrligi, «Atameken» UKP, Biryńǵai tańbalaý jáne qadaǵalaý operatory, sondai-aq integrator kompaniialardyń mamandary qatysty.
