Almaty qalalyq 2-shi klinikalyq balalar aýrýhanasynyń hirýrgtary kúrdeli ota jasady, dep habarlaidy "Ult aqparat" Almaty.tv telearnasyna silteme jasap.
Sáýir aiynda №2 qalalyq aýrýhanada jańa hirýrgiialyq bólim ashyldy. Jarty jyl ishinde munda 150-den asa kúrdeli ota jasalǵan. Olardyń biri erekshe bolǵany sonsha – eldiń búkil meditsina qaýymynyń nazaryn aýdardy.
Erekshe naýqas — jeti jasar qyz. Ata-anasynyń sózi boiynsha, balanyń týǵannan omyrtqasy aýyryp, dárigerler beldiń isigi degen diagnoz qoiǵan.
«Biz tilgennen keiin bul teratoma ekenin anyqtadyq. Dene bólikterin kórdik. Iaǵni, uryq bolǵan», - deidi №2 qalalyq klinikalyq aýrýhana bas dárigeriniń orynbasary Álibek Jarasov.
Jyldar boiy ol qyzdyń denesinde ósken. Otanyń sátti aiaqtalýyn ǵajaiypqa teńeýge bolady, óitkeni mundai jaǵdailar sirek kezdesedi.
Aýrýhana basshylyǵy kelesi jyly hirýrgiia bólimin keńeitip, jańa qurylǵy alýdy josparlap otyr.
«Biz buryn qalamyzda jasalmaǵan otalardy jasaý úshin operatsiialyq makroskop, neirohirýrgiialyq navigatsiia alýdy josparlap otyrmyz», - dep málimdedi №2 qalalyq balalar aýrýhanasynyń bas dárigeri Marat Rabandiiarov.
