الماتى قالالىق 2-شٸ كلينيكالىق بالالار اۋرۋحاناسىنىڭ حيرۋرگتارى كٷردەلٸ وتا جاسادى, دەپ حابارلايدى "ۇلت اقپارات" اlmaty.tv تەلەارناسىنا سٸلتەمە جاساپ.
سەۋٸر ايىندا №2 قالالىق اۋرۋحانادا جاڭا حيرۋرگييالىق بٶلٸم اشىلدى. جارتى جىل ٸشٸندە مۇندا 150-دەن اسا كٷردەلٸ وتا جاسالعان. ولاردىڭ بٸرٸ ەرەكشە بولعانى سونشا – ەلدٸڭ بٷكٸل مەديتسينا قاۋىمىنىڭ نازارىن اۋداردى.
ەرەكشە ناۋقاس — جەتٸ جاسار قىز. اتا-اناسىنىڭ سٶزٸ بويىنشا, بالانىڭ تۋعاننان ومىرتقاسى اۋىرىپ, دەرٸگەرلەر بەلدٸڭ ٸسٸگٸ دەگەن دياگنوز قويعان.
«بٸز تٸلگەننەن كەيٸن بۇل تەراتوما ەكەنٸن انىقتادىق. دەنە بٶلٸكتەرٸن كٶردٸك. ياعني, ۇرىق بولعان», - دەيدٸ №2 قالالىق كلينيكالىق اۋرۋحانا باس دەرٸگەرٸنٸڭ ورىنباسارى ەلٸبەك جاراسوۆ.
جىلدار بويى ول قىزدىڭ دەنەسٸندە ٶسكەن. وتانىڭ سەتتٸ اياقتالۋىن عاجايىپقا تەڭەۋگە بولادى, ٶيتكەنٸ مۇنداي جاعدايلار سيرەك كەزدەسەدٸ.
اۋرۋحانا باسشىلىعى كەلەسٸ جىلى حيرۋرگييا بٶلٸمٸن كەڭەيتٸپ, جاڭا قۇرىلعى الۋدى جوسپارلاپ وتىر.
«بٸز بۇرىن قالامىزدا جاسالماعان وتالاردى جاساۋ ٷشٸن وپەراتسييالىق ماكروسكوپ, نەيروحيرۋرگييالىق ناۆيگاتسييا الۋدى جوسپارلاپ وتىرمىز», - دەپ مەلٸمدەدٸ №2 قالالىق بالالار اۋرۋحاناسىنىڭ باس دەرٸگەرٸ مارات رابانديياروۆ.
