Foto: Pexels.com
12-19 qarasha aralyǵynda áleýmettik mańyzy bar ónimder elimiz boiynsha orta eseppen 0,4%-ǵa qymbattaǵan, dep habarlaidy Ult.kz.
Ulttyq statistika biýrosynyń málimetinshe, mundai baǵa ósý qarqyny keiingi 92 aptada, iaǵni ótken jyldyń aqpan aiynan beri tirkelmegen. Ásirese, piiazdyń baǵasy kúrt qymbattaǵan — 12 qarashadan beri birden 4,8%-ǵa.
«Bul maýsymdyq ózgeriske uqsamaidy — sońǵy úsh jyldyń qarasha aiynda mundai jaǵdai tirkelmegen. Qazan nemese jeltoqsan ailarynda da baiqalmaǵan», — deidi sarapshylar.
Qalalar boiynsha qarastyrsaq, osy kezeńde piiaz baǵasynyń eń joǵary ósýi Pavlodarda (+16,4%), Aqtóbede (+14,8%), Petropavlda (+12,6%) jáne Almatyda (+12,5%) tirkeldi.
Degenmen, sarapshylar el boiynsha piiaz baǵasy tórtinshi apta qatarynan qymbattap kele jatqanyn aitady. Ai basynan beri ósim 12,4%-dy quraǵan.
Keshe Ulttyq bank ókilderi dollar baǵamyna qatysty suraqqa jaýap bergen edi.
