Úkimet pen jergilikti atqarýshy organdar baǵanyń maýsymdyq ósýine jol bermei, aldyn alý sharalaryn qabyldaýy qajet. Bul týraly QR Ultyq bankiniń tóraǵasy Ǵalymjan Pirmatov aitty, dep habarlaidy QazAqparat.
«Azyq-túlik taýarlary infliatsiiaǵa eń kóp úles qosty, olardyń ósýi 10 %-dan 15,4 %-ǵa deiin jedeldedi. Oramjapyraq, qant, kartop, qyzanaq baǵalarynyń aitarlyqtai ósýi baiqaldy. Naýryzdyń tórtinshi aptasynyń qorytyndysy boiynsha áleýmettik mańyzy bar azyq-túlik taýarlarynyń baǵasy jyldyq kórsetýde 18,6 %-ǵa deiin ósken. Bul ósýge naýryzdyń ekinshi aptasynda jekelegen azyq-túlik taýarlaryna suranystyń artýy aitarlyqtai úles qosty. Áleýmettik mańyzy bar azyq-túlik taýarlary baǵasynyń aptalyq ósýi naýryzdyń sońǵy aptasynda – 1,3 %, sáýirdiń birinshi aptasynda 0,9 % bolyp, turaqtanyp keledi», - dedi Ulttyq bank tóraǵasy Úkimettiń búgingi otyrysynda.
Onyń aitýynsha, azyq-túlikke jatpaityn taýarlar baǵasy naýryzda 8,6 %-dan 10,9 %-ǵa deiin qymbattady. Oǵan teńge baǵamynyń álsireýi jáne azyq-túlikke qaraǵanda tómenirek bolsa da, artyq suranystyń qysymy sebep boldy.
Aqyly qyzmet kórsetý baǵasy 7,1 %-dan 8,3 %-ǵa deiin jedeldedi, bul birqatar naryqtyq qyzmetter baǵasynyń ósýine bailanysty boldy.
«Proinfliatsiialyq táýekelderdiń kúsheiýin eskere otyryp, infliatsiia boljamy ósý jaǵyna qarai qaita qaralýda. Úkimet pen jergilikti atqarýshy organdar baǵanyń maýsymdyq ósýine jol bermei, aldyn alý sharalaryn qabyldaýy qajet. Óńirlerdiń qajettilikterin eskere otyryp, óńiraralyq aǵyndardy ýaqytyly uiymdastyryp, eldi áleýmettik mańyzy bar azyq-túlik taýarlarymen qamtamasyz etý máselesin turaqty baqylaý mańyzdy. Baǵanyń negizsiz ósýine jol bermeý úshin baǵa ústemesine tiimdi baqylaý júrgizý qajet», - dedi Ǵalymjan Pirmatov.
