Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine tutynýshylardyń quqyqtaryn qorǵaý máseleleri boiynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy QazAqparat.
Zań jobasy tutynýshylardyń quqyqtaryn qorǵaý jónindegi qoǵamdyq birlestikterdi jáne ózin-ózi retteitin uiymdardy tutynýshylar daýlaryn sotqa deiingi retteý máselelerine belsendi tartýǵa; tutynýshylardyń qoǵamdyq birlestikteriniń qoǵamdyq baqylaýdy júzege asyrýyna; tutynýshylardyń quqyqtaryn qorǵaýdyń biryńǵai aqparattyq júiesin qurýǵa; Qazaqstan Respýblikasynyń tutynýshylardyń quqyqtaryn qorǵaý týraly zańnamasynyń saqtalýyna memlekettik baqylaýdy engizýge; tutynýshylardyń quqyqtaryn qorǵaý salasyndaǵy ýákiletti organnyń memlekettik organdar qyzmetin úilestirýshi retinde rólin, onyń ishinde Tutynýshylardyń quqyqtaryn qorǵaý jónindegi vedomstvoaralyq keńes qurý arqyly kúsheitýge baǵyttalǵan.
Depýtat Merýert Qazbekovanyń sózine qaraǵanda, depýtattar ishki saýda sýbektileriniń ózderi áleýmettik mańyzy bar azyq-túlik taýarlaryn ótkizgen kezde saýda ústemesin óndirýshiler men kóterme saýda arqyly berýshiler baǵalarynyń 15 paiyzyna deiin shekteýi boiynsha normalardy qarastyrdy. Bul talaptar buzylǵan jaǵdaida ákimshilik jaýaptylyq kózdeledi.
«Bul normalar áleýmettik mańyzdaǵy azyq-túlik taýarlary baǵysynyń ósýin tejeýge múmkindik beredi. Osy oraida birinshi kezekte qajetti sanalatyn un, jumyrtqa, kúnbaǵys maiy, tuz jáne basqa da ónimderdi qamtityn 19 pozitsiia qamtylǵan», - dedi depýtat.
Budan basqa, saýda bazary ákimshisiniń fýnktsionaldyq mindetteri belgilendi. Osy oraida bazar ákimshisiniń áleýmettik mańyzy bar azyq-túlik taýarlaryna belgilengen shekti baǵalar týraly ishki saýda sýbektileriniń nazaryna jetkizýi boiynsha mindetterin belgileý jáne osy mindetterdi saqtamaǵan jaǵdaida, ony ákimshilik jaýaptylyqqa tartý boiynsha normalar engizdi.
Eske sala keteiik, biyl 18 naýryzdaǵy Májilistiń jalpy otyrysynda «Qazaqstan Respýblikasynyń keibir zańnamalyq aktilerine tutynýshylardyń quqyqtaryn qorǵaý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldanǵan bolatyn.
