پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇتىنۋشىلاردىڭ قۇقىقتارىن قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسى تۇتىنۋشىلاردىڭ قۇقىقتارىن قورعاۋ جٶنٸندەگٸ قوعامدىق بٸرلەستٸكتەردٸ جەنە ٶزٸن-ٶزٸ رەتتەيتٸن ۇيىمداردى تۇتىنۋشىلار داۋلارىن سوتقا دەيٸنگٸ رەتتەۋ مەسەلەلەرٸنە بەلسەندٸ تارتۋعا; تۇتىنۋشىلاردىڭ قوعامدىق بٸرلەستٸكتەرٸنٸڭ قوعامدىق باقىلاۋدى جٷزەگە اسىرۋىنا; تۇتىنۋشىلاردىڭ قۇقىقتارىن قورعاۋدىڭ بٸرىڭعاي اقپاراتتىق جٷيەسٸن قۇرۋعا; قازاقستان رەسپۋبليكاسىنىڭ تۇتىنۋشىلاردىڭ قۇقىقتارىن قورعاۋ تۋرالى زاڭناماسىنىڭ ساقتالۋىنا مەملەكەتتٸك باقىلاۋدى ەنگٸزۋگە; تۇتىنۋشىلاردىڭ قۇقىقتارىن قورعاۋ سالاسىنداعى ۋەكٸلەتتٸ ورگاننىڭ مەملەكەتتٸك ورگاندار قىزمەتٸن ٷيلەستٸرۋشٸ رەتٸندە رٶلٸن, ونىڭ ٸشٸندە تۇتىنۋشىلاردىڭ قۇقىقتارىن قورعاۋ جٶنٸندەگٸ ۆەدومستۆوارالىق كەڭەس قۇرۋ ارقىلى كٷشەيتۋگە باعىتتالعان.
دەپۋتات مەرۋەرت قازبەكوۆانىڭ سٶزٸنە قاراعاندا, دەپۋتاتتار ٸشكٸ ساۋدا سۋبەكتٸلەرٸنٸڭ ٶزدەرٸ ەلەۋمەتتٸك ماڭىزى بار ازىق-تٷلٸك تاۋارلارىن ٶتكٸزگەن كەزدە ساۋدا ٷستەمەسٸن ٶندٸرۋشٸلەر مەن كٶتەرمە ساۋدا ارقىلى بەرۋشٸلەر باعالارىنىڭ 15 پايىزىنا دەيٸن شەكتەۋٸ بويىنشا نورمالاردى قاراستىردى. بۇل تالاپتار بۇزىلعان جاعدايدا ەكٸمشٸلٸك جاۋاپتىلىق كٶزدەلەدٸ.
«بۇل نورمالار ەلەۋمەتتٸك ماڭىزداعى ازىق-تٷلٸك تاۋارلارى باعىسىنىڭ ٶسۋٸن تەجەۋگە مٷمكٸندٸك بەرەدٸ. وسى ورايدا بٸرٸنشٸ كەزەكتە قاجەتتٸ سانالاتىن ۇن, جۇمىرتقا, كٷنباعىس مايى, تۇز جەنە باسقا دا ٶنٸمدەردٸ قامتيتىن 19 پوزيتسييا قامتىلعان», - دەدٸ دەپۋتات.
بۇدان باسقا, ساۋدا بازارى ەكٸمشٸسٸنٸڭ فۋنكتسيونالدىق مٸندەتتەرٸ بەلگٸلەندٸ. وسى ورايدا بازار ەكٸمشٸسٸنٸڭ ەلەۋمەتتٸك ماڭىزى بار ازىق-تٷلٸك تاۋارلارىنا بەلگٸلەنگەن شەكتٸ باعالار تۋرالى ٸشكٸ ساۋدا سۋبەكتٸلەرٸنٸڭ نازارىنا جەتكٸزۋٸ بويىنشا مٸندەتتەرٸن بەلگٸلەۋ جەنە وسى مٸندەتتەردٸ ساقتاماعان جاعدايدا, ونى ەكٸمشٸلٸك جاۋاپتىلىققا تارتۋ بويىنشا نورمالار ەنگٸزدٸ.
ەسكە سالا كەتەيٸك, بيىل 18 ناۋرىزداعى مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇتىنۋشىلاردىڭ قۇقىقتارىن قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلدانعان بولاتىن.
