«Qazgidromet» RMK aldaǵy táýlikterge elimizde kún sýytatyndyǵyn habarlaidy.
Soltústik Oraldan jyljyǵan sýyq arktikalyq aýa aǵyndarǵa bailanysty elimizdiń basym bóliginde salqyn aýa raiy kútiledi.
«Aldaǵy úsh táýlikte soltústik oblystarynda, kúndiz ortalyqta jańbyr, naizaǵai, kei jerlerde burshaq bolýy yqtimal jáne aýa temperatýrasynyń kúrt tómendeýi kútiledi. Shamamen 30 gradýstyq ystyqtan keiin, kúndizgi aýa temperatýrasy 17-22 gradýsqa deiin tómendeidi. Al elimizdiń shyǵysynda aldaǵy túnde jańbyrdyń sońy qarǵa ulasyp, 0-5 gradýs kún sýytady. Qazaqstannyń qalǵan aimaqtarynda naizaǵaimen birge ótkinshi jańbyr jaýyp, aýa temperatýrasy tómendeidi», - delgen sinoptikterdiń boljamynda.
