Aldaǵy úsh kúnde, 18-20 qańtar aralyǵyna Qazaqstannyń basym bóliginde Sibir antitsiklonynyń áseri baiqalady. Nátijesinde qar jaýmaidy, biraq tuman túsip, aiaz kúsheiedi, dep habarlaidy "Ult aqparat" Kazgidrometke silteme jasap.
19 qańtarǵa Qazaqstan aýmaǵy boiynsha aýa temperatýrasy: - Batysta túnde 10-15 gradýs sýyq, kei jerlerde 20-25 aiaz, kúndiz 0-5, kei jerlerde minýs 8-13 gradýs. - Soltústikte túngi temperatýra 15-29 gradýs aiaz, kúndiz 8-17 shamasynda sýyq kútiledi. - Qazaqstannyń ortalyǵynda túnde 13-18, kei jerlerde 23-28 gradýs aiaz kútiledi. Kúndizgi temperatýra - 7-12, kei jerlerde 16 gradýs sýyq.- Shyǵysta túnde 18-23, kei jerlerde 30-35 gradýs aiaz bolady, kúndiz 10-15, kei jerlerde 20-25 gradýs aiaz. - Ońtústik aimaqtarda túngi aýa temperatýrasy 5-10, kei jerlerde 17-22 gradýs aiaz bolady, kúndiz 2-7, kei jerlerde 5-10 gradýs sýyq kútiledi.Troposferalyq aǵyndar baǵytynyń ózgerýine bailanysty kópjyldyó kórsetkishke jýyq deńgeide aýa temperatýrasynyń qysqa merzimdik joǵarylaýy kútiledi.
19 qańtarda Astanada kóshpeli bult bolǵanmen qar jaýmaidy. Jeldiń jyldamdyǵy 5-10 m/s. Túnde aýa temperatýrasy 20-22 gradýsqa tómendeidi, kúndiz 13-15 gradýs sýyq.
Almatyda 19 qańtarda bultty, kei jerlerde jaýyn-shashynsyz, keide tuman kútiledi. Jel 0-5 m / s. Túnde aýa temperatýrasy 7-9 gradýs aiaz, kúndiz 0, minýs 2 gradýs bolady.
