Foto: ru.freepik.com
Qazgidromet Qazaqstan boiynsha 2026 jylǵy 27–29 qańtarǵa arnalǵan aýa raiy boljamyn usyndy. Aldaǵy kúnderi ońtústik tsiklon shyǵysqa qarai jyljyp, respýblikanyń basym bóligin qamtidy, dep habarlaidy Ult.kz.
El aýmaǵynda qar jaýady, al ońtústik jáne ońtústik-shyǵys óńirlerde jaýyn-shashyn jańbyr men qar túrinde kútiledi. Kei jerlerde boran soǵyp, kóktaiǵaq bolyp, jel kúsheiedi.
Soltústik-batys, soltústik jáne ortalyq aimaqtar antitsiklonnyń yqpalynda bolady. Bul óńirlerde tynyq, aiazdy, negizinen jaýyn-shashynsyz aýa raiy saqtalady.
Kezeńniń basynda batys jáne soltústik oblystarda aiazdy aýa raiy kútiledi, túngi aýa temperatýrasy -20…-35°S shamasynda bolady. Keiin aýa temperatýrasynyń joǵarylaýy boljanady: batys pen soltústikte túnde -7…-20°S-qa deiin, kúndiz -2…-12°S-qa deiin.
Al ortalyq, shyǵys jáne ońtústik-shyǵys óńirlerde aýa temperatýrasynyń tómendeýi kútiledi: túnde -3…-18°S, taýly aýdandarda -15…-23°S, kúndiz 0…-7°S, taýly jerlerde -8…-15°S bolady.
