قازاقستاندا الداعى كٷندەرٸ اۋا رايى قۇبىلمالى بولادى: قار, بوران جەنە اياز

فوتو: ru.freepik.com

قازگيدرومەت قازاقستان بويىنشا 2026 جىلعى 27–29 قاڭتارعا ارنالعان اۋا رايى بولجامىن ۇسىندى. الداعى كٷندەرٸ وڭتٷستٸك تسيكلون شىعىسقا قاراي جىلجىپ, رەسپۋبليكانىڭ باسىم بٶلٸگٸن قامتيدى, دەپ حابارلايدى Ult.kz.

ەل اۋماعىندا قار جاۋادى, ال وڭتٷستٸك جەنە وڭتٷستٸك-شىعىس ٶڭٸرلەردە جاۋىن-شاشىن جاڭبىر مەن قار تٷرٸندە كٷتٸلەدٸ. كەي جەرلەردە بوران سوعىپ, كٶكتايعاق بولىپ, جەل كٷشەيەدٸ.

سولتٷستٸك-باتىس, سولتٷستٸك جەنە ورتالىق ايماقتار انتيتسيكلوننىڭ ىقپالىندا بولادى. بۇل ٶڭٸرلەردە تىنىق, ايازدى, نەگٸزٸنەن جاۋىن-شاشىنسىز اۋا رايى ساقتالادى.

كەزەڭنٸڭ باسىندا باتىس جەنە سولتٷستٸك وبلىستاردا ايازدى اۋا رايى كٷتٸلەدٸ, تٷنگٸ اۋا تەمپەراتۋراسى -20…-35°س شاماسىندا بولادى. كەيٸن اۋا تەمپەراتۋراسىنىڭ جوعارىلاۋى بولجانادى: باتىس پەن سولتٷستٸكتە تٷندە -7…-20°س-قا دەيٸن, كٷندٸز -2…-12°س-قا دەيٸن.

ال ورتالىق, شىعىس جەنە وڭتٷستٸك-شىعىس ٶڭٸرلەردە اۋا تەمپەراتۋراسىنىڭ تٶمەندەۋٸ كٷتٸلەدٸ: تٷندە -3…-18°س, تاۋلى اۋدانداردا -15…-23°س, كٷندٸز 0…-7°س, تاۋلى جەرلەردە -8…-15°س بولادى.