Sýret: kaznovosti.kz
"Qazgidromet" RMK sinoptikteri aldaǵy úsh kúnge arnalǵan aýa raiy boljamyn usyndy, - dep habarlaidy "Ult aqparat".
Meteorologtar boljamy boiynsha, aldaǵy úsh táýlikte jylý men ylǵaldyń mol qory bar Atlantikalyq tsiklon yqpal etip, elimizdiń basym bóliginde jaýyn-shashyn men qar, kóktaiǵaq, tuman, ekpindi jel, al respýblikanyń soltústik-batysynda jáne soltústiginde boran men qatty jaýyn-shashyn týdyrady.
Tek ońtústik-shyǵysta, al 28 aqpan - 1 naýryz aralyǵynda eldiń shyǵysynda joǵary atmosferalyq qysym órisiniń áserinen aýa raiy jaýyn-shashynsyz bolady.
"Qazaqstan Respýblikasynyń basym bóliginde aýa temperatýrasynyń birtindep joǵarylaýy boljanady. Eldiń soltústik jartysynda termometr baǵany kúndiz 3-5 gradýs jyly, al ońtústik jartysynda aýa temperatýrasy 15-20 gradýsqa deiin kóteriledi. Tek respýblikanyń batysy men soltústik-batysynda kúndiz aýa temperatýrasy 0-10 aiazǵa deiin birtindep tómendeýi kútiledi", - delingen habarlamada.
