Elimizdiń avtomobil joldaryndaǵy aqyly ýchaskelerinde RFID-tehnologiialary engizildi, dep habarlaidy "Ult aqparat" «QazAvtoJol»-ǵa silteme jasap.
Avtokóliktiń aldyńǵy áinegindegi RFID-japsyrmasy japsyrylady. Iaǵni, ondaǵy sáikestendirý kody anyqtalǵannan keiin, júie kólik týraly aqparatty alyp, aqyly ýchaskelerdegi tólem qabyldaý pýnktterinen kedergisiz ótkizedi. Bul nómirdi durys anyqtaýǵa, júrip ótken jol boiynsha qarajatty durys esepteýge arnalǵan sharalardyń biri.
«RFID belgileri tólem qabyldaý pýnktinde ornatylady. Belgini kólikke ornatý jáne júiede tirkeý úshin 5 minýttai ýaqyt qajet. Belgini alý jáne ornatý úshin tólemaqy alynbaidy», - delingen habarlamada.
Qazirgi tańda atalmysh belgiler Nur-Sultan-Shýchinsk, Nur-Sultan-Temirtaý jáne Almaty-Qapshaǵai ýchaskelerindegi tólem qabyldaý pýnktterinde ornatylýda. Taiaý arada Almaty-Qorǵas ýchaskesinde de engizý josparlanǵan.
Jańa belgiler engizilgenimen, jeke shotty tolyqtyrý ádisi ózgermeidi. Jeke shot memlekettik tirkeý nómiri boiynsha tolyqtyrylady.
