Qazaqstanda AITV infektsiiasy nemese basqa da sozylmaly aýrýlary bar balalarǵa kásipkerlik mashyqtaryn úiretetin arnaiy joba iske qosylady.Bul týraly Eńbek jáne halyqty áleýmettik qorǵaý vitse- ministri Erlan Áýkenov málim etti, dep habarlaidy QazAqparat.
«Eńbek jáne halyqty áleýmettik qorǵaý ministrligi IýNISEF-pen birge AITV infektsiiasy jáne basqa da sozylmaly aýrýlary bar balalardyń, olardyń áke-sheshesi men asyrap alýshylarynyń áleýmettik-ekonomikalyq osaldyǵyn báseńdetýge baǵyttalǵan arnaiy jobany ázirlep jatyr. Joba aiasynda Jumyspen qamtý ortalyqtarynyń, JITS-tiń aldyn alý ortalyǵynyń, alǵashqy meditsinalyq-áleýmettik kómek kórsetý uiymdarynyń mamandary oqytylady. Osylaisha atalǵan sanattaǵy balalardyń áleýmettik innovatsiialar men kásipkerlik túrleri boiynsha úzdik ádistemeler negizinde mashyqtaryn jetildirý kózdelgen. Jobany bastap ketýge 80 paiyz deńgeide daiynbyz. Kelesi jyldan bastaimyz», - dedi Erlan Áýkenov «Balalyq shaqty qorǵaý júiesiniń tiimdiligi jáne balanyń ál-aýqaty: memleket pen azamattyq qoǵamnyń birigýi» taqyrybynda ótken baspasóz máslihatynda.
Vitse-ministr sonymen qatar QR Bala quqyqtary jónindegi ýákildiń bastamasymen Eńbek jáne halyqty áleýmettik qorǵaý ministrligi ákimdikterge AITV infektsiiasy bar balalarǵa járdemaqy berýge keńes bergenin aityp ótti.
«Qazirgi tańda 12 óńirde bul járdemaqy júiesi jolǵa qoiylǵan. Qalǵan óńirlerde normativti-quqyqtyq aktilerge tiisti ózgerister engizilýde. Jalpy AITV infektsiiasy bar 508 balanyń 379-y qazirdiń ózinde turaqty túrde járdemaqy alyp jatyr. Biraq bul rette keide ata-analardyń ózderi járdemaqy alýdan bas tartyp jatady», - dedi ol.
