Qazaqstanda AI-92 benzininiń baǵasy ósti, - dep habarlaidy "Ult aqparat" kaz.tengrinews.kz portalyna silteme jasap.
Osylaisha, "QazMunaiGaz" janarmai beketterinde benzin baǵasy 137 teńgeden 139 teńgege ósken. Al AI-95 benzininiń litri 150 teńgeden satylyp jatyr.
Sinooil janarmai beketteriniń saitynada AI-92 baǵasy 140 teńge ekeni jazylǵan. AI-95 152 teńge. Helios janarmai beketterinde AI-92 138 teńge, al AI-95 150 teńge.
"Aýrika" janarmai beketi AI-92 benzinin 145 teńgeden satyp jatyr. Al AI-95 markasyn litri 161 teńgeden.
"Gazpromneft" janarmai quiý beketteri jelisinde AI-92 litri 139 teńgeden 141 teńgege ósken. AI-95 benzini 153 teńge kóleminde qalyp otyr.
Eske salaiyq, munyń aldynda "QazMunaiGaz Ónimderi" kompaniiasynyń ókilderi AI-95 markaly benzini 145 teńgege deiin qymbattaýy múmkin ekenin aitqan. Qańtardyń ortasynda AI-92 baǵasy iri janarmai stantsiialarynda litirine 137 teńge kóleminde bekitilgen bolatyn. Bul benzin markasynyń qymbattaýy qańtardyń basynda kóterme baǵasynyń ósýine bailanysty. Bul sommany litirine shaqqanda satyp alý baǵasy 3,4-5 teńgege qymbattaǵan.
