قازاقستاندا اي-92 بەنزينٸنٸڭ باعاسى ٶستٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
وسىلايشا, "قازمۇنايگاز" جانارماي بەكەتتەرٸندە بەنزين باعاسى 137 تەڭگەدەن 139 تەڭگەگە ٶسكەن. ال اي-95 بەنزينٸنٸڭ ليترٸ 150 تەڭگەدەن ساتىلىپ جاتىر.
Sinooil جانارماي بەكەتتەرٸنٸڭ سايتىنادا اي-92 باعاسى 140 تەڭگە ەكەنٸ جازىلعان. اي-95 152 تەڭگە. Helios جانارماي بەكەتتەرٸندە اي-92 138 تەڭگە, ال اي-95 150 تەڭگە.
"اۋريكا" جانارماي بەكەتٸ اي-92 بەنزينٸن 145 تەڭگەدەن ساتىپ جاتىر. ال اي-95 ماركاسىن ليترٸ 161 تەڭگەدەن.
"گازپرومنەفت" جانارماي قۇيۋ بەكەتتەرٸ جەلٸسٸندە اي-92 ليترٸ 139 تەڭگەدەن 141 تەڭگەگە ٶسكەن. اي-95 بەنزينٸ 153 تەڭگە كٶلەمٸندە قالىپ وتىر.
ەسكە سالايىق, مۇنىڭ الدىندا "قازمۇنايگاز ٶنٸمدەرٸ" كومپانيياسىنىڭ ٶكٸلدەرٸ اي-95 ماركالى بەنزينٸ 145 تەڭگەگە دەيٸن قىمباتتاۋى مٷمكٸن ەكەنٸن ايتقان. قاڭتاردىڭ ورتاسىندا اي-92 باعاسى ٸرٸ جانارماي ستانتسييالارىندا ليتٸرٸنە 137 تەڭگە كٶلەمٸندە بەكٸتٸلگەن بولاتىن. بۇل بەنزين ماركاسىنىڭ قىمباتتاۋى قاڭتاردىڭ باسىندا كٶتەرمە باعاسىنىڭ ٶسۋٸنە بايلانىستى. بۇل سوممانى ليتٸرٸنە شاققاندا ساتىپ الۋ باعاسى 3,4-5 تەڭگەگە قىمباتتاعان.
