Qazaqstanda Agrobank qurý maqsatqa sai kelmeidi. Bul týraly Senat depýtattarynyń saýalyna Premer-Ministr Álihan Smaiylovtyń jaýabynda aitylǵan, dep habarlaidy QazAqparat.
«Qazirgi ýaqytta «Baiterek» UBH» AQ holdingtik kompaniia retinde bank operatsiialarynyń jekelegen túrlerin júzege asyratyn uiymdar bolyp tabylatyn jáne tiisinshe qarjy-nesie qyzmetin retteitin ýákiletti memlekettik organdardyń normativtik aktilerin, sondai-aq ishki erejelerdi basshylyqqa alatyn, aýyl sharýashylyǵyndaǵy túrli jobalarǵa kredit berýdi júzege asyratyn, óziniń mamandandyrylǵan enshiles kompaniialarynyń qyzmeti arqyly QR agroónerkásiptik keshen sýbektilerin qarjylandyrady. Bul rette «Báiterek» UBH» AQ-nyń enshiles kompaniialary qazirdiń ózinde AShTÓ-ge bank operatsiialarynyń jekelegen túrlerin júrgizýge tiisti litsenziia negizinde kredit berý jáne lizing qyzmetterin usynady», - dep atap ótedi Úkimet basshysy jaýabynda.
Sonymen qatar Premer-Ministr mamandandyrylǵan bankter óziniń fýnktsionaly boiynsha kóptegen bank operatsiialarynyń barlyǵyn oryndamai, ekonomika salalaryna (aiasyna) qyzmet kórsetýde óz qyzmetin shekteitindigin alǵa tartady.
«Budan basqa, banktiń tar mamandanýy táýekelderdiń joǵary shoǵyrlanýyn (táýekelder ártaraptanbaidy) boljaidy. Al salymshylar qarjylyq qyzmetterdiń tolyq spektrin alýǵa bolatyn ámbebap banktermen jumys isteýdi qalaidy. Iaǵni mamandandyrylǵan memlekettik kooperativtik bank halyqtyń depozitterin tartý qiyndyǵyna tap bolady. Nátijesinde tabysy tómen jáne joǵary ártaraptandyrylmaǵan táýekeldermen birge mamandandyrylǵan memlekettik kooperativtik banktiń qarjylyq jai-kúiiniń turaqtylyǵyn qamtamasyz etý úshin biýdjet qarajatyn odan ári salýdy talap etedi. Joǵaryda baiandalǵannyń negizinde Agrobank qurý maqsatqa sai emes dep esepteimiz», - dedi Álihan Smaiylov.
