Elimizde AES-tiń eki reaktorynyń qurylysyna 10-12 mlrd dollar jumsalýy múmkin. Bul týraly «Samuryq-Qazyna» AQ-niń enshiles kásiporny «Qazaqstan atom elektr stantsiialary» JShS baspasóz qyzmeti málimdedi, dep habarlaidy QazAqparat.
«Aldyn ala esepteýler boiynsha, Qazaqstanda árqaisysynyń qýaty 1,4 myń MVt bolatyn 2 reaktorly AES salý kerek. Boljam boiynsha onyń qurylysyna 10-12 mlrd dollar qajet. Sondai-aq, AES-ti paidalaný merzimin 60 jyldan 100 jylǵa deiin uzartý múmkindigin qarastyramyz. Jalpy, AES qurlysyn nesie berý arqyly nemese kommertsiialyq joba aiasynda salý usynylady», - dep kórsetilgen habarlamada.
«Qazaqstan atom elektr stantsiialary» seriktestiginiń málimetinshe, elimizde AES salýǵa 6 sheteldik kompaniia niet bildirgen.
«Elimizde AES salýǵa nietti KHNP (Ońtústik Koreia), EDF (Frantsiia), Rosatom (Resei), NuScale Power (AQSh), CNNC (Qytai), General Electric-Hitachi (AQSh pen Japoniianyń birlesken kompaniiasy) kásiporyndarynan usynys tústi. Biz 3 nemese 3+ býynyna sáikes keletin reaktorlardy salýdy qarastyryp otyrmyz, óitkeni olar qaýipsiz. Bul baǵytta bizdiń talaptarǵa sai keletin Resei, Koreia, Frantsiia jáne Qytai kompaniialarynyń reaktorlary bar. Al, shaǵyn jáne orta qýatty rektorlardy AQSh-tyń General Electric-Hitachi jáne NuScale kompaniialarynan alý boiynsha kommertsiialyq jumystar pysyqtalyp jatyr», - delinedi seriktestik málimdemesinde.
Aqparatqa qaraǵanda, AES shamamen 6 jylda salynady. Degenmen, usynysty qoǵamdyq talqylaýdan ótkizýge, qajetti qujattar daiyndaýǵa da ýaqyt kerek. Jalpy alǵanda, bul protsess 10 jyl merzimdi qamtidy.
