Elimizde atom elektr stantsiiasyn salý jobasy aiasyndaǵy jumys bastaldy. Bul týraly «Samuryq-Qazyna» UÁQ» AQ basqarma tóraǵasy Almasadam Sátqaliev málim etti, dep habarlaidy QazAqparat.
«Boljamdy energetikalyq teńgerim 2023 jylǵa qarai qýaty 2400 megavatqa deiingi atom elektr stansasyn salý qajettigin kórsetti. Bizdiń qor Úkimettiń basshylyǵymen atalǵan jobany iske asyrýǵa kiristi. Bul baǵyttaǵy jumys týraly múddeli tulǵalar, jýrnalister jáne qoǵam aldynda baiandap otyratyn bolamyz», - dedi Almasadam Sátqaliev Ortalyq kommýnikatsiialar qyzmeti alańynda ótken baspasóz máslihatynda.
Sondai-aq, qor basshysy qaiyrymdylyq baǵdarlama týraly aitty.
«Memleket basshysy qor paidasynyń 7%-y «Qazaqstan halqyna» qoryna jiberiletinin aitty. 2018 jyldan bastap qor aktsiialarynyń memlekettik paketinde dividendter 13 ese ósti. Biyl atalǵan kórsetkish 170 mlrd teńge bolady. Sonymen qatar, shamamen 183 mlrd teńge qaiyrymdylyqqa jáne aktsionerlerdiń paidasyna ózge de bólýge baǵyttalady. Qordyń qaiyrymdylyq baǵdarlamasy bar. Ol jumys «Samuryq-Qazyna trast» kompaniiasy tarapynan júzege asyrylady», - deidi ol.
