Qarjy ministrligi "2022-2024 jylǵa arnalǵan respýblikalyq biýdjet týraly" zańǵa ózgerister men tolyqtyrýlar engizý týraly zań jobasyn daiyndady, - dep habarlaidy Tengrinews.kz.
Osylaisha, zań jobasyna sáikes, Qazaqstanda 2022 jyldyń 1 sáýirinen bastap:
- memlekettik bazalyq zeinetaqy tóleminiń eń tómengi mólsheri - 20 191 teńge (qazirgi ýaqytta 19 450 teńge);
- eń tómengi zeinetaqy - 48 032 teńge (qazirgi ýaqytta 46 302 teńge);
- járdemaqy jáne basqa da áleýmettik tólemderdi esepteý, sondai-aq ósimpul, salyq jáne basqa da tólemder úshin ailyq eseptik kórsetkish - 3180 teńge (qazirgi ýaqytta 3 063 teńge);
- bazalyq áleýmettik tólemder mólsherin esepteý úshin eń tómengi kúnkóris deńgeii - 37 389 teńge (qazirgi ýaqytta 36 018 teńge).
Qujatty "Ashyq NQA" portalynan tabýǵa bolady. Zań jobasyn resmi talqylaý 21 sáýirge deiin jalǵasady.
