Advokat óz qorǵaýyndaǵy azamattardyń múddesinde ókildik etý barysynda, paida tabý maqsatymen birneshe ret alaiaqtyq jasap, asa iri mólsherde para berýge itermeleý arqyly jalpy 164,9 mln teńge qarajatyn iemdengen, dep habarlaidy "Ult aqparat" Astana qalasynyń prokýratýrasyna silteme jasap.
Sottalýshy aýdarylǵan qarajattardyń óz jumysy úshin aqysy retinde alǵandyǵy týraly alqabilerdi sendirýge tyrysqan, alaida memlekettik aiyptaýshy onyń osy qylmystardy jasaǵandyǵyn dáleldedi.
"Alqabiler sotynyń úkimine sáikes sottalýshy birneshe ret alaiaqtyq jasaǵany jáne asa iri mólsherde para berýge itermelegeni úshin kináli dep tanylyp, memlekettik qyzmette laýazymdardy atqarý quqyǵynan ómir boiyna aiyryla otyryp, 11 jylǵa bas bostandyǵynan aiyryldy", - delingen habarlamada.
Para nysany zańsyz alynǵan múlik retinde tanylyp, memleket kirisine óndirildi. Úkim zańdy kúshine endi.
