QR Prezidenti janyndaǵy Qazaqstan strategiialyq zertteýler institýtynyń direktory Erkin Tuqymovtyń pikirinshe, qoǵamda ádilettilikke suranys artty. Ol bundai pikirdi búgin Jibek Joly telearnasynyń efirinde bildirdi, dep habarlaidy QazAqparat.
«Elimizge osy jyldyń qańtarynda keldim. Shamamen tórt jyldai elde bolmaǵan edim. Osy tórt jylda bir Qazaqstannan ketip, jańa, basqa Qazaqstanǵa oralǵandai boldym. Bunyń bári eń aldymen qoǵamnan baiqalady. Qoǵam múldem basqasha ózgerdi. Ony salystyratyn jaǵdaiym bar. Men qoǵamnyń naǵyz betburysyn sezdim, ashyqtyqqa, adaldyqqa, ádilettilikke, demokratiia negizderine úlken suranys bar. 2019 jyly bilik osy vektorǵa irgetas qalaǵan. Qoǵam ózgerdi», - dedi Erkin Tuqymov.
Eske salaiyq, JJ Talk jáne Krivosheev LIVE birlesken baǵdarlamasynyń efirinde Erbolat Muhamedjan jáne Denis Krivosheevpen birge sarapshylar elimizde búgin ótken prezident sailaýyn talqylap, el bolashaǵy týraly sóz etti.
