Qazaqstandyq prokýrorlar adam aǵzalaryn satý-satyp alýǵa qatysty habarlandyrýlardy ornalastyrýmen ainalysatyn saitty anyqtady, dep habarlaidy QazAqparat.
Batys Qazaqstan oblystyq prokýratýrasynan málim etkendei, adamnyń tinderin (tinniń bóligin) jáne (nemese) aǵzalaryn (aǵzalarynyń bóligin) satý-satyp alý jónindegi habarlamalar ornalastyryp otyrǵan sait - sheteldik buqaralyq aqparat quraly. Biraq oǵan Qazaqstan Respýblikasynyń barlyq aýmaǵyndaǵy Internet-paidalanýshylardyń qoljetimdigi bar.
Aita keteiik, «Halyq densaýlyǵy jáne densaýlyq saqtaý júiesi týraly» Qazaqstan Respýblikasynyń Kodeksiniń 169-babynyń 3-tarmaǵyna sáikes, adamnyń tinderin (tinniń bóligin) jáne (nemese) aǵzalaryn (aǵzalarynyń bóligin) satý-satyp alýǵa tyiym salynady. Sondai-aq QR Qylmystyq kodeksiniń 116-babyna sáikes, tiri adamnyń aǵzalary men tinderine qatysty zańsyz mámileler jasaǵandyǵy úshin qylmystyq jaýapkershilik kózdelgen.
Osyǵan orai, BQO Tasqala aýdandyq sotynyń sheshimimen aýdan prokýrorynyń ótinishi qańaǵattandyrylyp, Qazaqstan Respýblikasynyń zańnamalyq aktilerine qaishy keletin, QR-dyń barlyq aýmaǵynda taralǵan sait zańsyz dep tanylyp, onyń el aýmaǵynda taralýy toqtatyldy. Sot sheshimi zańdy kúshine engen joq.
