Biyl «Abai TV» jáne «Ál-Farabi» eki jańa telearna ashylady. Bul telearnalar mádeniettiń bailyǵy men murasyna arnalǵan jańa bilim berý-aǵartýshylyq televiziialyq joba bolmaq. Bul týraly Aqparat jáne qoǵamdyq damý ministri Aida Balaeva málim etti, dep habarlaidy "Ult aqparat".
«Ministrlik tarapynan otandyq aqparat keńestiginiń básekege qabilettiligin arttyrý men damytý boiynsha dáiekti jumys júrgizilýde. Qazirgi kezde Qazaqstanda jańa eki, iaǵni «Abai TV», «ál-Farabi» telearnalaryn ashý máselesi qarastyrylyp jatyr», - dedi ministr Ortalyq kommýnikatsiialar qyzmetinde onlain rejimde ótken halyqqa esep berý kezdesýi barysynda.
Onyń sózine qaraǵanda, «Abai TV» telearnasy erteń - 30 maýsymnan jumysyn bastaidy. Ol «Qazaqstan» TRK» quramyna kiredi jáne otandyq mádeniet murasyn nasihattaityn arna bolady.
Ekinshi telejoba - «Ál-Farabi» telearnasy. Ol «Habar» telearnasynyń bazasynda jańa oqý jylynyń qarsańynda kórsetile bastaidy. «Ál-Farabi» telearnasy oqý-aǵartý televiziialyq platforma bolady jáne 6-18 jasqa deiingi balalar men jasóspirimderge arnalady.
